सरपंच संतोष देशमुख खून प्रकरणातील आरोपींच्या फोटोंना जोडे मारो आंदोलन

मस्साजोगचे सरपंच संतोष देशमुख यांची हत्या अंत्यत निर्घूणपणे व अमानुषपणे करण्यात आली असून या प्रकरणातील आरोपींवर कठोर कारवाई करावी. जलद न्यायालयात या प्रकरणाची सुनावणी व्हावी . कोणाच्या दबावाला बळी न पडता शासनाने या प्रकरणी कारवाई करावी अशी मागणी आंदोलनकर्त्यांनी केली.

हॉटेल आस्वाद जवळ हे आंदोलन करण्यात आले . यावेळी आखिल भारतीय मराठा महासंघाचे श्यामकांत वर्पे , महिला आघाडी तालुकाध्यक्ष अर्चना डफळ , संघटक आशा ढवण , माजी अध्यक्षा शशिकला काळे , जनता दलाचे संजय बारवकर , समस्त मराठा समाज संघचे विश्वस्त व माजी उपसरपंच संभाजीराव कर्डिले, रामभाउ इंगळे , संजय माशेरे , महेंद्र ढेरे , अखिल भारतीय मराठा महासंघ युवा आघाडीचे राहुल शिंदे , शिरुर विविध कार्यकारी सोसायटीचे अध्यक्ष आप्पा वर्पे , मुकेश पाचर्णे , भरत ढाके , संतोष झांबर , पकंजराव जाधव आदी यावेळी उपस्थित होते