तृणधान्य निर्यातीत भारताचा वाटा १० टक्क्यांवर; गेल्या आर्थिक वर्षांत साडेसहा कोटींची उलाढाल

शेती आणि प्रक्रियायुक्त अन्न पदार्थ निर्यात विकास संस्थेने (अपेडा) दिलेल्या माहितीनुसार, जगातील प्रमुख पाच देशांमधून तृणधान्यांची निर्यात होते. त्यात युक्रेन, भारतासह आफ्रिकेतील देशांचा समावेश आहे. तृणधान्य आणि खाद्यपदार्थाची जागतिक बाजारपेठ २०२०मध्ये ४० कोटी डॉलरवर होती, ती २०२१ मध्ये ४७ कोटी डॉलरवर गेली. भारताचा विचार करता २०२०-२१ मध्ये देशातून सहा कोटी डॉलरच्या तृणधान्यांची आणि तृणधान्यांपासून तयार केलेल्या खाद्यपदार्थाची निर्यात झाली होती. २०२१-२२ मध्ये ही उलाढाल साडेसहा कोटी डॉलरच्या घरात गेली आहे.

आणखी वाचा

जीएम सोयाबीन विना तेलबिया मिशन संकटात

Devendra Fadnavis Income : उपमुख्यमंत्र्यांची एकूण संपत्ती किती?…

अन्वयार्थ : हजार कोटी सापडले, त्याचे पुढे काय झाले?

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

जनजागृतीवर ५९ कोटींचा खर्च, तरीही सर्वसामान्यांच्या २,८८० कोटींवर डल्ला…बँकेत तुमचे पैसे…

नागपूर : महामेट्रोच्या दिव्याखाली अंधार; भुयारी मार्गात दिवसा काळोख, अधिकारी सुस्त

ग्राहक, शेतकरी चिंतेत; कांदा, लसूण महागले तर कापूस, सोयाबीनचे दर पडल्याने नाराजी

महायुतीच्या लोकप्रिय आश्वासनांमुळे तिजोरीवर दीड ते दोन लाख कोटींचा अधिक आर्थिक भार ?

 भारताच्या पुढाकाराने २०२३ वर्ष संयुक्त राष्ट्राच्या वतीने जागतिक तृणधान्य वर्ष साजरे केले जाणार आहे. त्यासाठी केंद्र सरकारच्या वतीने देशात आणि देशाबाहेर तृणधान्यांच्या बाबत जागृती केली जात आहे. त्यामुळे जगभरात तृणधान्यांच्या उत्पादनात वाढ होऊन, तृणधान्यांचा दैनंदिन आहारात वापर वाढेल, असे सांगण्यात येत आहे. जागतिक अन्न संघटनेने दिलेल्या माहितीनुसार, आशिया आणि आफ्रिका खंडात तृणधान्यांचा खाण्यात वापर केला जातो. जगातील सुमारे १.२ अब्ज लोकसंख्या तृणधान्यांचा दैनदिन आहारात वापर करते. २०२० मध्ये तृणधान्यांचे एकूण जागतिक उत्पादन सुमारे २ लाख ८० हजार टन इतके होते. भारतानंतर आफ्रिका खंडात तृणधान्यांचे सर्वाधिक उत्पादन होते. त्या खालोखाल चीन, युक्रेनचा क्रमांक लागतो.

भारतात तृणधान्यांचे उत्पादन कुठे?

राज्यस्थान, महाराष्ट्र, कर्नाटक, आंध्र प्रदेश, मध्य प्रदेश आदी राज्यांत तृणधान्यांचे उत्पादन होते. मुळात कमी पावसात आणि डोंगर-दऱ्यांमध्ये तृणधान्यांचे उत्पादन घेतले जाते. त्यामुळे तृणधान्यांच्या क्षेत्र आणि उत्पादन वाढीला मर्यादा आहेत.  

मुळात जगभरात फारच कमी देशात तृणधान्यांचे उत्पादन होते. भारतात उत्पादन चांगले होत असले तरीही आहारात वापरही जास्त होतो. त्यामुळे आपली गरज भागून फार काही निर्यात करता येत नाही. तरीही निर्यातीत होत असलेली वाढ उत्साह वाढविणारी आहे.

– महेश लोंढे, तृणधान्य आधारित खाद्यपदार्थ उद्योजक