पुण्यातील अमली पदार्थ तस्करीत मोठी अपडेट; तब्बल ५५ कोटी रुपयांचे किमतीचे मेफेड्रॉन जप्त

हेही वाचा >>> धक्कादायक! पुण्यात पार्किंगच्या वादातून महिलेला जाळून टाकण्याचा प्रयत्न

सोमवार पेठेतील खडीचे मैदान परिसरात गुंड पिंट्या माने आणि अजत करोसिया यांना गुन्हे शाखेच्या पथकाने सापळा लावून पकडले. त्यांच्याकडून एक कोटी रुपयांचे ५०० ग्रॅम मेफेड्रोन जप्त करण्यात आले. पोलिसांनी दोघांची चौकशी केली. तेव्हा विश्रांतवाडीतील हैदर शेखने मेफेड्रोन विक्रीस दिल्याची माहिती दिली. त्यानंतर त्याला पकडण्यासाठी पोलिसांची पथके पाठविण्यात आली. हैदरला पोलिसांनी ताब्यात घेतले. हैदरकडून अडीच कोटींचे मेफेड्रोन जप्त करण्यात आले. हैदरने गोदामात मिठाच्या पोत्यात मेफेड्रोन लपविले होते. पोलिसांनी १०० ते २०० पोत्यांची तपासणी केली. सोमवारी रात्री उशीरापर्यंत तपासणी सुरू होते. पोलिसांनी हैदरने मिठाच्या पोत्यात लपविलेले ५५ किलो मेफेड्रोन जप्त केले असून, जप्त केलेल्या ५५ किलो मेफेड्रोनची किंमत ५५ कोटी रुपये असल्याची माहिती सूत्रांनी दिली. गोदामाच्या परिसरात मोठा फौजफाटा तैनात करण्यात आला आहे.