पिंपरी: विठ्ठलाच्या भेटीसाठी आयटी दिंडी निघणार!

जगदगुरु संत तुकाराम महाराजांचा पालखी सोहळा १० जून रोजी पंढरपूरकडे प्रस्थान ठेवणार आहे. पालखी सोहळ्यासाठी राज्याच्या कानाकोपऱ्यातून वारकरी देहूत दाखल होत असतात. वारकरी अगदी देहभान विसरून तुकोबांच्या नाम गजरात पालखी सोहळ्यात सहभागी होऊन आषाढी वारीसाठी पंढरपूरकडे पायी जातो. या वारीपासून उच्चशिक्षित असलेले तरुण- तरुणी देखील दूर राहू शकले नाहीत.

आणखी वाचा-पिंपरी-चिंचवड महापालिकेत नोकरभरती : ३८८ जागांसाठी आले ८५ हजार अर्ज…राज्यातील ९८ केंद्रांवर होणार परीक्षा

पिंपरी- चिंचवड शहरामधून आयटी दिंडीच्या माध्यमातून हेच उच्चशिक्षित तरुण-तरुणी आषाढी वारी निमित्त होणाऱ्या पालखी सोहळ्यात सहभागी होत आहेत. एक हजारांपेक्षा जास्त संख्या असलेले तरुण-तरुणी यात सहभागी होणार आहेत. खरं तर आयटी अभियंते म्हटलं अत्यंत व्यस्त म्हणून त्यांच्याकडे पाहिलं जातं. परंतु, वेळात वेळ काढून वारीचा सहवास आणि अनुभव मिळावा म्हणून तू गेल्या काही वर्षांपासून वारीत नियमितपणे सहभागी होतात. अगोदर बोटावर मोजणे संख्या असलेली ही वारी आता हजारोच्या घरात पोहोचलेली आहे. आयटी दिंडीचे सदस्य एकनाथ खनकर यांनी उच्चशिक्षित तरुण- तरुणींना या दिंडीत सहभागी होण्यासाठी आवाहन केलं आहे.