स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

पुणे : स्वारगेट एसटी स्थानकात चोरट्यांनी उच्छाद मांडला असून, दिवाळीनंतर प्रवाशांकडील ऐवज लांबविण्याच्या घटनांमध्ये वाढ झाली आहे. कोल्हापूरला निघालेल्या तरुणाकडील सहा लाख ६० हजार रुपयांचे सोन्याचे दागिने चोरट्यांनी चोरुन नेले.

आणखी वाचा

उल्हासनगर: भिक्षा मागण्याच्या बहाण्याने चोरी; सीसीटीव्हीच्या आधारे दोन महिलांना अटक

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

पिंपरी: खंडणीखोरांविरोधात आक्रमक; औद्योगिक तक्रार निवारण पथकामार्फत ११ गुन्हे दाखल

पुणे: विधी महाविद्यालय रस्त्यावरील शाळेतून तीन लाखांची रोकड चोरी

पुणे : कृषी आयुक्तालयातील लाचखोर उपसंचालकाला पकडले

सायबर चोरट्यांकडून ज्येष्ठ नागरिक ‘लक्ष्य’; बतावणी करुन  ३८ लाखांची फसवणूक

विठ्ठल-रुक्मिणी मंदिर समितीला मनुष्यबळ पुरवठा करणारा ठेका रद्द; तक्रारींनंतर मंदिर समितीकडून कारवाई

डोंबिवलीतील बेकायदा इमारतींना आशीर्वाद देणाऱ्या पालिका अधिकाऱ्यांवर कारवाई करा, शिवसेना ग्राहक संरक्षण कक्ष प्रमुखाची मुख्यमंत्र्यांकडे मागणी

याबाबत एका तरुणाने स्वारगेट पोलीस ठाण्यात फिर्याद दिली आहे. तक्रारदार तरुण मूळचा कोल्हापूरचा असून, तो तेथील एका सराफी पेढीत कामाला आहे. ३१ ऑक्टोबर रोजी तो पुण्यातील एका सराफाला दागिने देण्यासाठी आला होता. सराफ व्यावसायिकाला दागिने दिल्यानंतर तो अडीचच्या सुमारास तो स्वारगेट एसटी स्थानकात आला. कोल्हापुरकडे जाणाऱ्या बसमध्ये त्याने दागिन्यांची पिशवी ठेवली.

आणखी वाचा-अमेरिकेत कमला हरली, तशी इथे कमळाबाई हरणार; खासदार संजय राऊत यांची भाजपवर टीका

तरुणाचे लक्ष नसल्याची संधी साधून चोरट्यांनी आसनावर ठेवलेली पिशवी चोरून नेली. पिशवीत सहा लाख ६० हजार रुपयांचे सोन्याचे दागिने होते. पिशवी चोरीला गेल्याचे लक्षात आल्यानंतर तरुणाने स्वारगेट पोलीस ठाण्यात धाव घेतली. पोलीस उपनिरीक्षक पूनम पाटील तपास करत आहेत. दिवाळीत परगावी जाणाऱ्या प्रवाशांकडील ऐवज चोरून नेण्याच्या घटनांमध्ये वाढ झाली आहे. स्वारगेट, शिवाजीनगर एसटी स्थानकाच्या आवारातून प्रवासांकडील दागिने चोरट्यांनी चोरून नेल्याच्या घटना घडल्या आहेत.