कात्रजमधल्या स्फोटाप्रकरणी चौघांवर गुन्हा दाखल, एकाला अटक; १०० हून अधिक सिलेंडरचा केला होता बेकायदा साठा

या प्रकरणी पाटील याला अटक करण्यात आली. कात्रज भागात गंधर्व लॉन्स परिसरात एका पत्र्याच्या शेडमध्ये सिलेंडरचा बेकायदा साठा करून ठेवण्यात आला होता. सिलेंडरच्या टाकीतून दुसऱ्या टाकीत गॅस भरताना दुर्घटना घडली. एकापाठोपाठ २० सिलेंडरचे स्फोट ‌झाले. सुदैवाने या घटनेत जीवितहानी झाली नाही.

काळे जागा मालक असून तेथे सागर पाटीलने बेकायदा व्यवसाय (गॅस रिफिलिंग सेंटर) सुरू केला होता. त्याने तेथे १०० सिलिंडर ठेवले होते. एकापाठोपाठ सिलेंडरचे स्फोट झाल्याने परिसरात घबराट उडाली. या भागातील घरांचे दरवाजे, खिडक्यांना तडे गेले. आगीत टेम्पोसह एक मोटार जळाली.