अजित पवार जेलमध्ये जाणार का? या प्रश्नावर किरीट सोमय्यांनी दिली ‘ही’ प्रतिक्रिया

लोणावळा इथे भाजपा कार्यकर्त्यांच्या मेळाव्यात संवाद साधण्यासाठी किरीट सोमय्या आले होते. भाषणात तसंच त्यानंतर प्रसारमाध्यमांना प्रतिक्रिया देतांना त्यांनी महाविकास आघाडीवर सडकून टीका केली. आता लवकरच महाविकास आघाडीतील नेत्यांच्या १०० कोटींचा कोविड घोटाळा काढणार असल्याची घोषणा त्यांनी यावेळी केली. महाविकास आघाडीने मुंबई आणि पुण्यात कोविड सेंटर चालवण्याचे काम आपल्या नेत्यांना, नातेवाईकांना दिलं, जी कंपनी अस्तित्वात नाही अशांना दिलं, अनेक रुग्ण मृत्यूमुखी पडले, मुंबईच्या कोविड सेंटरमध्ये १०० कोटींचा घोटाळा केला, हा पैसा कुठून कुठे गेला हे जाहीर करणार असून त्यासंबंधीची तक्रार दाखल करणार आहे असं ते म्हणाले.