डिस्कव्हरी सोल्यूशन्सतर्फे वीस सेकंदात करोना संसर्गाचे निदान शक्य ; मायलॅब डिस्कव्हरी चाचणी संचाची निर्मिती

गॅझेल पॅथोकॅच या चाचणी संचाद्वारे अवघ्या वीस सेकंदात करोना विषाणूच्या सर्व प्रकारांच्या संसर्गाचे निदान होणार आहे. चाचणी संचाची अचूकताही पीसीआर चाचण्यांच्या तोडीस तोड असल्याचे स्पष्ट झाले आहे. सदर चाचणी संच आपत्कालीन वापराच्या परवानगीसाठी अमेरिकन एफडीएच्या मान्यतेच्या प्रतिक्षेत आहे. लवकरच आफ्रिका आणि मध्यपूर्वेत त्याचे अनावरण होणार असल्याचे मायलॅबतर्फे स्पष्ट करण्यात आले आहे. मायलॅब डिस्कव्हरी सोल्यूशन्सचे व्यवस्थापकीय संचालक हसमुख रावळ म्हणाले, करोना चाचण्या आणि निदान प्रक्रिया अधिक वेगवान आणि परिणामकारक करण्यासाठी हा चाचणी संच महत्त्वाचा ठरेल असा विश्वास वाटतो. आंतरराष्ट्रीय उत्पादकांसाठी उत्कृष्ट दर्जाचे आणि अचूक परिणाम दर्शवणारी उत्पादने विकसित करण्यातील आमची क्षमता आम्ही सिद्ध केल्याचे रावळ यांनी स्पष्ट केले. गॅझेल पॅथोकॅच चाचणी संचामध्ये करोना विषाणूचे न्यूक्लियोकॅप्सिड प्रथिन शोधण्यासाठी एक विशिष्ट तंत्रज्ञान वापरण्यात आले आहे. त्याच्या मदतीने या चाचणीतून विषाणूचे त्वरित निदान करणे शक्य आहे. नाकातील नमुन्यांचा वापर करुन गॅझेल पॅथोकॅच संचाद्वारे केलेल्या चाचण्या आणि आरटी-पीसीआर चाचण्यांच्या तुलनेतून संचाची अचूकता सिद्ध करण्यात संशोधकांना यश आले आहे. ही अचूकता तब्बल ९९.७ टक्के एवढी आहे.

आणखी वाचा

चॅम्पियन्स करंडकाबाबत संभ्रमच! वेळापत्रक घोषणेचा आजचा कार्यक्रम ‘आयसीसी’कडून रद्द

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

टीईटी परीक्षेत एआय तंत्रज्ञान वापरल्याचा परिणाम काय? किती उमेदवारांनी दिली परीक्षा?

केंद्र सरकारने इन्फ्लूएन्झा लशीची शिफारस का केली आहे? भारताला फ्लूचा विळखा?

BCCI : टीम इंडियाच्या पराभवावर सहा तास चालली बीसीसीआयची बैठक, रोहित-गंभीरला विचारले ‘हे’ तीन महत्त्वाचे प्रश्न

घरात डासांचा सुळसुळाट वाढतोय? केळीच्या सालीचा ‘हा’ सोपा उपाय डासांचा करेल नायनाट

भूगोलाचा इतिहास: खडकातील पाऊलखुणा!

बालमृत्यू टाळण्यासाठी जिल्हा परिषदेतर्फे न्यूमोनियाविरोधात विशेष मोहीम