पुणे : शरद मोहोळ खून प्रकरणाचा मुख्य सूत्रधार गणेश मारणे पसार झाला असून, मारणेचा गुन्हे शाखेच्या पथकांकडून शोध घेण्यात येत आहे. मोहोळ खून प्रकरणात मुख्य सूत्रधार म्हणून गणेश मारणेचे नाव निष्पन्न झाल्यानंतर मारणे पुन्हा चर्चेत आला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

पुण्यातील गुन्हेगारी विश्वात गणेश मारणे आणि गजानन मारणे या दोन टोळ्या सक्रिय आहेत. गेल्या काही वर्षांपासून गणेश फारसा चर्चेत नव्हता. गणेश आणि गजानन दोघे मूळचे मुळशी तालुक्यातील आहेत. ४ ऑक्टोबर २००६ रोजी पौड फाटा चौकात संदीप मोहोळवर गोळ्या झाडण्यात आला. मोहोळचा खून गणेश मारणे आणि साथीदारांनी केल्याचे तपासात उघडकीस आल्यानंतर खळबळ उडाली. गणेश मूळचा मुळशी तालुक्यातील आहे. तो एरंडवणेतील खिलारेवाडी वसाहतीत राहायला होता. मोहोळ खून प्रकरणानंतर मारणे चर्चेत आला.

आणखी वाचा

मोहोळचा खून वर्चस्व आणि वैमनस्यातून झाल्याचे तपासात उघडकीस आले होते. बाबा बोडके टोळीची धुरा सांभाळणाऱ्या संदीपने प्रतिस्पर्धी टोळीतील म्होरक्यांना टिपून गुन्हेगारी विश्वात दबदबा निर्माण केला होता. कोंढव्यातील कमेला भागात मोहोळ आणि साथीदारांनी शुक्रवार पेठेतील अनिल मारणेचा खून केला होता. मोहोळचे गुन्हेगारी विश्वातील वर्चस्व मोडून काढण्यासाठी गणेश, त्याचे साथीदार सचिन पोटे यांनी मोहोळच्या खुनाचा कट रचला.

मोहोळचा खून केल्यानंतर गणेश चर्चेत आला होता. मोहोळच्या खुनाचा बदला घेण्यासाठी शरद मोहोळ आणि साथीदारांनी तयारी सुरू केली होती. निलायम चित्रपटगृहाजवळील एका उपहारगृहात किशोर मारणेचा शरद मोहोळ आणि साथीदारांनी खून केला. किशोर गणेश मारणेचा जवळचा साथीदार होता. वीस वर्षानंतर गणेश मारणे, त्याचा साथीदार विठ्ठल शेलार यांनी किशोर मारणेच्या खुनाचा बदला घेतल्याची चर्चा गुन्हेगारी विश्वात सुरू आहे.

हेही वाचा : ललित पाटीलचा ससूनमधील मुक्काम कसा वाढला? तत्कालीन वैद्यकीय अधीक्षक डॉ. संजीव ठाकूर यांच्या जबाबातून माहिती उघड

संदीप मोहोळ खून प्रकरणात गणेश मारणेसह १७ साथीदारांविरुद्ध गुन्हादाखल करण्यात आले. या खटल्याचा निकाल चौदा वर्षांनी लागला. मोहोळ खून खटल्यात सचिन निवृत्ती पोटे, जमीर मेहबूब शेख, संतोष रामचंद्र लांडे यांना जन्मठेपेची शिक्षा झाली. गणेश मारणेसह अन्य आरोपींची निर्दोष मुक्तता झाली होती.