ते चक्क दिल्लीहून विमानाने येऊन पुण्यात करत होते घरफोडी! कोंढवा पोलिसांकडून दोघांना अटक

हेही वाचा >>> पिंपरी : रामदास आठवले ‘या’ मतदार संघातून निवडणूक लढविण्यास इच्छुक

व्यावसायिक कोंढव्यातील क्रांती चौक परिसरात राहायला आहे. १३ जुलै रोजी व्यावसायिकाच्या घरातून आरोपींनी सोन्याचे दागिने, रोकड चोरून नेल होती. याप्रकरणी कोंढवा पोलीस ठाण्यात गुन्हा दाखल झाला होता. पोलिसांकडून या प्रकरणाचा तपास करण्यात येत होता. गोकुळनगर भागात रिझवान आमि इकरार संशयीतरित्या फिरत असल्याची माहिती तपास पथकाला मिळाली. रखवालदार नसलेल्या सोसायट्यांमध्ये जाऊन ते पाहणी करत होते. पाहणी करत असल्याचे समजले.

हेही वाचा >>> पुणे : शिकवणी चालक महिलेची पाच लाखांची फसवणूक

पोलिसांच्या पथकाने सापळा लावून दोघांना पकडले. चौकशीत दोघांनी घरफोडीचा गुन्हा केल्याची कबुली दिली. आरोपींनी चोरलेला ऐवज दिल्लीतील घरात लपवून ठेवला होता. पोलिसांनी त्यांच्याकडून एक लाख ६० हजार रुपयांचा ऐवज जप्त केला. रिझवान सराइत गुन्हेगार आहे. परिमंडळ पाचचे पोलीस उपायुक्त विक्रांत देशमुख यांच्या मार्गदर्शनाखाली कोंढवा पोलीस ठाण्याचे वरिष्ठ पोलीस निरीक्षक संतोष सोनवणे, गुन्हे शाखेचे निरीक्षक संजय मोगले, संदीप भोसले, उपनिरीक्षक स्वप्निल पाटील, हवालदार सतीश चव्हाण, निलेश देसाई, गोरखनाथ चिनके, ज्योतीबा पवार, ज्ञानेश्वर भोसले, अनिल बनकर आदींनी ही कामगिरी केली.