कोकणातील चाकरमान्यांसाठी शिमाग्यानिमित्त विशेष रेल्वे, विदर्भातही होळीनिमित्त गाड्या

कोकणात गणेशोत्सवाबरोबर होळी, शिमगा हे सण पारंपरिक पद्धतीने मोठ्या उत्साहात साजरे केले जातात. त्या पार्श्वभूमीवर छत्रपती शिवाजी महाराज टर्मिनल (सीएसएमटी) – मडगाव – सीएसएमटी, तर पुणे रेल्वे स्थानकावरून पुणे-नागपूर-पुणे दरम्यान विशेष चार साप्ताहिक गाड्यांचे नियोजन केले आहे.

असे आहे वेळापत्रक

सीएसएमटी-मडगाव-सीएसएमटी साप्ताहिक विशेष (४ फेऱ्या) :

● गाडी क्रमांक ०११५१ ही साप्ताहिक विशेष गाडी ६ मार्च आणि १३ मार्चला सीएसएमटीहून रात्री १२.२० वाजता निघेल आणि त्याच दिवशी दुपारी १.३० वाजता मडगावला पोहोचेल.

● गाडी क्रमांक ०११५२ ही साप्ताहिक विशेष गाडी ६ मार्च आणि १३ मार्चला दुपारी २.१५ वाजता मडगावहून निघेल आणि दुसऱ्या दिवशी पहाटे ३.४५ वाजता सीएसएमटीला पोहोचेल.

● थांबे : दादर, ठाणे, पनवेल, पेण, रोहा, माणगाव, खेड, चिपळूण, संगमेश्वर, रत्नागिरी, आडवली, विलवडे, राजापूर रोड, वैभववाडी, कणकवली, सिंधुदुर्ग, कुडाळ, सावंतवाडी आणि थिविम

● – गाडी क्रमांक ०११२९ ही साप्ताहिक विशेष गाडी १३ आणि २० मार्चला रात्री १०.१५ मिनिटांनी एलटीटी स्थानकावरून निघेल आणि दुसऱ्या दिवशी सकाळी १०.३० वाजता मडगावला पोहोचेल.

● – गाडी क्रमांक ०११३० साप्ताहिक विशेष गाडी १४ आणि २१ मार्चला दुपारी २.३० वाजता मडगाव स्थानकावरून निघेल आणि दुसऱ्या दिवशी ०४.०५ वाजता एलटीटीला पोहोचेल.

● थांबे : ठाणे, पनवेल, पेण, रोहा, माणगाव, वीर, खेड, चिपळूण, संगमेश्वर, रत्नागिरी, आडवली, विलवडे, राजापूर, वैभववाडी, नांदगाव, कणकवली, सिंधुदुर्ग, कुडाळ आणि सावंतवाडी.

पुणे – नागपूर – पुणे साप्ताहिक विशेष (चार फेऱ्या)

● गाडी क्रमांक ०१४६९ ही साप्ताहिक विशेष गाडी ११ आणि १८ मार्च रोजी दुपारी ३.५० वाजता पुणे रेल्वे स्थानकातून निघेल आणि दुसऱ्या दिवशी सकाळी ६.३० वाजता नागपूरला पोहोचेल.

● गाडी क्रमांक ०१४७० ही साप्ताहिक विशेष गाडी १२ आणि १९ मार्च रोजी सकाळी ८.०० वाजता नागपूरहून निघेल आणि त्याच दिवशी रात्री ११.३० वाजता पुण्यात पोहोचेल.

● गाडी क्रमांक ०१४६७ ही विशेष गाडी १२ आणि १९ मार्च रोजी पुण्याहून दुपारी ३.५० वाजता पुणे रेल्वे स्थानकावरून निघेल आणि दुसऱ्या दिवशी सकाळी ६.३० वाजता नागपूरला पोहोचेल.

● गाडी क्रमांक ०१४६८ ही विशेष गाडी १३ आणि २० मार्च रोजी सकाळी ८.०० वाजता नागपूर रेल्वे स्थानकावरून निघेल आणि त्याच दिवशी रात्री ११.३० वाजता पुण्यात पोहोचेल.

● थांबे : उरुळी, दौंड, अहिल्यानगर, बेलापूर, कोपरगाव, मनमाड, जळगाव, भुसावळ, मलकापूर, शेगाव, अकोला, बडनेरा, धामणगाव आणि वर्धा.