पुणे: कोयता गँगची पुन्हा दहशत; लोहगाव भागात २९ वाहनांची तोडफोड

पुणे : कोयगा गँगने पुन्हा दहशत माजविल्याची घटना लोहगाव भागात सोमवारी मध्यरात्री घडली. अल्पवयीन मुले, तसेच साथीदारांनी २९ वाहनांची तोडफोड केली. याप्रकरणी विमानतळ पोलीस ठाण्यात गुन्हा दाखल करण्यात आला असून, एकाला अटक करण्यात आली आहे. हशिम खलील शेख (वय १८, रा.  कलवडवस्ती, लोहगाव) असे अटक करण्यात आलेल्याचे नाव आहे. या प्रकरणी दोन अल्पवयीन मुलांना ताब्यात घेेण्यात आले आहे.  याबाबत इनायतअली शौकतअली अन्सारी (वय २७, रा. लोहगाव) याने  फिर्याद दिली आहे.

अन्सारी कलवडवस्ती भागात राहायला आहे.  सोमवारी मध्यरात्री तिघे जण दुचाकीवरून कलवड वस्ती भागात आले. त्यांनी कोयते उगारुन रस्त्यावर लावलेल्या वाहनांची तोडफोड करण्यास सुरवात केली.  टोळक्याने कलवड वस्ती, खेसे पार्क, पानसरे वस्ती परिसरात वाहनांची तोडफोड केली. मोटार, रिक्षा, दुचाकी अशा २९ वाहनांची तोडफोड केली. या घटनेची माहिती मिळताच पोलिसांनी तपास करुन शेखला अटक केली. त्याच्याबरोबर असलेल्या अल्पवयीन साथीदारांना ताब्यात घेण्यात आले.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

वाल्मिक कराड ज्या गाडीतून शरण आला त्या गाडीच्या…

शिराळ्यात गव्यांकडून दोनशे एकर शेतीचे नुकसान

सातारा : शहीद शुभम घाडगे यांच्या पार्थिवावर अंत्यसंस्कार

सतीश वाघ खून प्रकरणात पत्नी सामील, मारेकऱ्यांना पाच लाखांची सुपारी; पत्नी गजाआड

पिंपरी : ई-रिक्षाधारकांना ३० हजार रुपये अनुदान; काय आहे महापालिकेचा उपक्रम?

पुणे : वाघोली अपघात प्रकरणात डंपर मालक अटकेत

म्हाडा बृहतसूची सोडत गैरप्रकार : एक वर्षानंतरही सोडतीचा चौकशी अहवाल गुलदस्त्यात