कॉसमॉस बँकेच्या अध्यक्षपदी कृष्णकुमार गोयल यांची निवड

कॉसमॉस को-ऑप. बँकेच्या अध्यक्षपदी कृष्णकुमार गोयल यांची आणि उपाध्यक्षपदी मिलिंद काळे यांची मंगळवारी निवड झाली. प्रकृती अस्वास्थ्यामुळे शशिकांत बुगदे यांनी अध्यक्षपदाचा राजीनामा दिल्यामुळे हे पद रिक्त होते.
निवृत्त सहायक निबंधक भास्करराव शेळके यांच्या अध्यक्षतेखाली बँकेच्या संचालक मंडळाची बैठक झाली. त्यामध्ये गेली वीस वर्षे संचालक असलेल्या गोयल यांची अध्यक्षपदी तर, चार्टर्ड अकौंटट मिलिंद काळे यांची उपाध्यक्षपदी निवड करण्यात आली. नूतन अध्यक्ष आणि उपाध्यक्षांची मुदत ३१ डिसेंबर २०१४ रोजी म्हणजेच सध्याच्या संचालक मंडळाबरोबर संपणार आहे.