पुणे : ट्रकसह खाणीत पडून मजुराचा मृत्यू; दारुच्या नशेत ट्रकचा चालविताना दुर्घटना

हवेली तालुक्यातील भावडी गावात खाणीत ट्रक पडून मजुराचा मृत्यू झाला. मजुराला ट्रक चालविता येत नव्हता. दारुच्या नशेत त्याने ट्रकचा ताबा घेतल्याने अपघात झाल्याची माहिती पोलिसांनी दिली. अर्जुन बाबुराव उराव (वय ३६, सध्या रा. श्री गणेश मेटल, भावडी, ता. हवेली, जि. पुणे, मूळ रा. बारीखाय, झारखंड) असे मृत्युमुखी पडलेल्याचे नाव आहे. याबाबत पोलीस शिपाई सागर दळे यांनी लोणीकंद पोलीस ठाण्यात फिर्याद दिली आहे.