पिंपरी : कट मारला म्हणून वकिलाला मारहाण करणाऱ्या दोघांना चाकण पोलिसांनी अटक केली. इतर सहा जणांवर गुन्हा दाखल केला आहे. ही घटना रविवारी चाकण येथील तळेगाव चौक येथे घडली.
सोनाजी लाला मिरपगार (वय ३०, रा. चाकण) व दिपक गणेश वैरागे (वय २२, रा. चाकण) असे अटक आरोपींचे नाव आहे. तसेच, इतर सहा जणांवर गुन्हा दाखल केला आहे. उजमा अब्दुल रहिमान पठाण (वय ३०, रा, जुन्नर) यांनी चाकण पोलीस ठाण्यात फिर्याद दिली आहे.
हेही वाचा – पिंपरी-चिंचवडकरांसाठी मोठी बातमी : पाणीप्रश्न सुटणार, आता ‘या’ धरणातून मिळणार पाणी
हेही वाचा – जीवन गुणवत्ता निर्देशांकात पुण्याला देशात दुसरा क्रमांक
फिर्यादी हे त्यांच्या गाडीमधून जात असताना आरोपींनी त्यांना चाकण येथील तळेगाव चौकात अडवले. त्यांनी फिर्यादीला आम्हाला कट का मारला, या कारणावरून वाद घालण्यास सुरुवात केली. यावेळी त्यांनी फिर्यादीचा चालक सद्दाम मुन्नीर शेख याला मारहाण करत फिर्यादीच्या गळ्यातील ३० हजार रुपयांची सोनसाखळी हिसकावून नेली.
