विधानसभा निवडणुकीच्या पार्श्वभूमीवर ‘मोदीबागेत’ भेटी-गाठींना जोर

लोकसभा निवडणूक निकालात वरचष्मा राहिल्याने राष्ट्रवादी (शरद पवार) पक्षात प्रवेश करण्यासाठी राष्ट्रवादी (अजित पवार) पक्षातील अनेक नेत्यांची चढाओढ सुरू झाली आहे. विधानसभा निवडणुकीच्या पार्श्वभूमीवर शरद पवार यांनीही गेल्या काही दिवसात राष्ट्रवादी (अजित पवार) यांच्यासह भाजपच्या काही नेत्यांना पक्षात प्रवेश दिला आहे. त्यामध्ये कोल्हापूर ग्रामीणचे भाजपचे नेते समरजितसिंह घाटगे, इंदापूरचे माजी मंत्री हर्षवर्धन पाटील यांचा समावेश आहे. याशिवाय अजित पवार यांचे समर्थक रामराजे निंबाळकर हे ही राष्ट्रवादी (शरद पवार) पक्षात प्रवेश करणार असल्याची चर्चा आहे. त्यातच जिल्ह्यातील अनेकजण शरद पवार यांच्या भेटीला आल्याने अनेकांच्या भुवया उंचावल्या.

नक्की वाचा

VIDEO : मित्राच्या प्रसंगावधानाने वाचला तरुणाचा जीव, नेटकरी म्हणाले, “शंभर नातेवाईक असण्यापेक्षा एक असा मित्र हवा”

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

मुंबईत ४५ व्या मजल्यावर आहे सईचं आलिशान घर! लेकीच्या घरी आली लाडकी आई; ‘द इलेव्हन्थ प्लेस’मध्ये रंगली दिवाळी पहाट

‘ठरलं तर मग’ फेम अभिनेत्री लग्नाच्या ९ वर्षांनंतर होणार आई! फोटो शेअर करत दिली गुडन्यूज; होतोय शुभेच्छांचा वर्षाव

‘या’ तारखेला जन्मलेले लोक कुणासमोरही झुकत नाही; प्रचंड स्वाभिमानी असतात, जाणून घ्या स्वभाव

बाजारातील तयार चकल्या कशा बनवतात माहीत आहे का? पाहा VIRAL VIDEO तून ‘हा’ जुगाड

जिथं भीती संपते तिथं आयुष्य सुरु होतं! जंगलाच्या राजाचा ‘हा’ VIDEO पाहून कळेल आयुष्य कसं जगायचं

“भावा, आई-वडिलांचा विचार करायचा…“, बाईकवर बसून फोडले फटाके अन् पुढे जे घडलं; VIDEO पाहून नेटकऱ्यांकडून संताप व्यक्त

हेही वाचा – पुणे : दांडेकर पूल परिसरात प्रेमप्रकरणातून तरुणाचा खून, शहरात दोन दिवसात तीन खून

राष्ट्रवादी (अजित पवार) पक्षाचे मुख्य प्रवक्ते उमेश पाटील यांनी पदाचा राजीनामा दिला आहे. मात्र पाटील पक्षात रहावे, यासाठी सातत्याने प्रयत्न केले जात आहेत. त्यांना राष्ट्रवादी (शरद पवार) पक्षात प्रवेश दिला जाण्याची शक्यता आहे. काही दिवसांपूर्वी ते शिवसेना (ठाकरे) पक्षात प्रवेश करणार असून ते मोहोळ मतदारसंघातील उमेदवार असतील, अशी चर्चा होती. मात्र पाटील यांनी शरद पवार यांची भेट घेतली. दरम्यान, सोलापूर जिल्ह्यातील राजकीय परिस्थितीसंदर्भात पवार यांची भेट घेतल्याचे पाटील यांनी सांगितले.

हेही वाचा – “मी अजितदादांवर नाराज नाही”, शरद पवार यांच्या भेटीनंतर अजित पवार गटाचे प्रवक्ते उमेश पाटील यांची प्रतिक्रिया

जुन्नरचे आमदार अतुल बेनकेही राष्ट्रवादी (शरद पवार) पक्षात प्रवेश करणार असल्याची चर्चा काही दिवसांपासून आहे. पवार यांच्या जुन्नर दौऱ्यावेळी बेनके यांनी पवार यांची भेट घेतली होती. त्यानंतर मोदीबागेत त्यांची पुन्हा भेट झाल्याने ते लवकरच पक्ष प्रवेश करतील, या चर्चेने जोर धरला आहे.
शेतकरी संघटनेतून बाहेर पडल्यानंतर रविकांत तुपकर यांनी महाविकास आघाडीमध्ये जावे, असे त्यांच्या सहकाऱ्यांचा आग्रह होता. त्यानुसार तुपकर यांनी काही दिवसांपूर्वी शिवसेनेचे (ठाकरे) पक्ष प्रमुख उद्धव ठाकरे आणि प्रवक्ते संजय राऊत यांची भेट घेतली होती. त्यानंतर मंगळवारी त्यांच्या पवार भेटीमुळे ते महाविकास आघाडीतील कोणत्या पक्षात जाणार, याची चर्चा सुरू झाली. राज्यातील चोवीस जागांवर निवडणूक लढविण्याची तयारी सुरू करण्यात आली आहे. त्यामध्ये पश्चिम महाराष्ट्र, विदर्भ आणि मराठवाडा तसेच खानदेशातील काही जागांचा समावेश आहे. महाविकास आघाडीमध्ये कशा प्रकारे सामावून घेतले जाऊ शकते, यासंदर्भात ही भेट होती, असे तुपकर यांनी पत्रकारांशी बोलताना सांगितले.