लोकसत्ता प्रतिनिधी
पुणे : मार्केट यार्डातील तरकारी विभागात पालेभाज्यांची आवक मोठ्या प्रमाणावर होत आहे. आवक वाढल्याने कोथिंबिर, करडई, राजगिरा, चवळई या पालेभाज्यांच्या दरात घट झाली. पावसामुळे फळभाज्यांची आवक गेल्या आठवड्यात कमी झाली होती.
पावसाने उघडीप दिल्यानंतर हळूहळू आवक पूर्वपदावर येणार असून, मार्केट यार्डातील घाऊक बाजारात काकडी, दोडका, कारली, मटार, ढोबळी मिरची या फळभाज्यांच्या दरात घट झाली. मेथी, शेपू, कांदापात, चाकवत, पुदिना, मुळा, पालकचे दर स्थिर होते. तरकारी विभागात रविवारी कोथिंबिरीच्या दोन लाख जुडी, मेथीच्या एक लाख जुडींची आवक झाली, अशी माहिती तरकारी विभागातील व्यापाऱ्यांनी दिली.
आणखी वाचा-विधानसभा निवडणुकीत मतदान करायचेय? कधीपर्यंत होणार मतदार नोंदणी?
घाऊक बाजारात शेकडा पालेभाज्यांचे दर कोथिंबीर ८०० ते १००० रुपये, मेथी ५०० ते ८०० रुपये, शेपू ५०० ते ८०० रुपये, कांदापात ८०० ते १००० रुपये, चाकवत ४०० ते ६०० रुपये, करडई ३०० ते ६०० रुपये, पुदिना ४०० ते १००० रुपये, अंबाडी ५०० ते ८०० रुपये, मुळे ८०० ते १५०० रुपये, राजगिरा ४०० ते ७०० रुपये, राजगिरा ५०० ते ८०० रुपये, चुका ५०० ते ८०० रुपये, चवळई ३०० ते ७०० रुपये, पालक ८०० ते १५०० रुपये असल्याचे व्यापाऱ्यांनी सांगितले.
