पुणे : कोजागरीच्या चंद्रावर ढगाळ स्थितीचे सावट ; राज्यात आणखी तीन दिवस पाऊस कायम

हेही वाचा >>>पुणे : तुकड्यातील जमिनींच्या दस्त नोंदणीसाठी लवकरच बैठक ; मुख्यमंत्री एकनाथ शिंदे यांची ग्वाही

हवामान विभागाने दिलेल्या अंदाजानुसार पुढील तीन दिवस कोकण आणि मध्य महाराष्ट्रात अनेक भागांत पावसाची शक्यता आहे. मराठवाड्यात पुढील दोन दिवस काही भागांत मेघगर्जना आणि विजांच्या कडकडाटात पावासाचा अंदाज आहे. विदर्भात आणखी एक दिवस विजांच्या कडकडाटात पावसाची शक्यता आहे. या विभागात त्यानंतर तुरळक भागांत हलका ते मध्यम स्वरूपाच्या पावसाची शक्यता आहे. देशात सध्या उत्तरेकडे कमी दाबाचे क्षेत्र आहे. पश्चिमी विक्षोपही निर्माण झाला आहे. त्यामुळे राजस्थान, दिल्ली, चंडीगडपासून उत्तर प्रदेश आणि मध्य प्रदेशात काही भागांत मुसळधार पाऊस होणार आहे.

हेही वाचा >>>पुणे : दुभाजकावर आदळून दुचाकीस्वार युवकाचा मृत्यू ; बाणेर भागात अपघात

राज्यातील तापमानात घट
राज्याच्या बहुतांश भागांत दिवसा आकाशाची स्थिती ढगाळ राहात आहे. काही भागांत कमी-अधिक प्रमाणात पाऊसही हजेरी लावतो आहे. त्यामुळे गेल्या दोन ते तीन दिवसांपासून दिवसाच्या तापमानात घट झाली आहे. राज्याच्या सर्वच भागातील कमाल तापमान सरासरीखाली आले आहे. मुंबईतील कमाल तापमानात सरासरीच्या तुलनेत ४ अंशांनी घट झाली असून, कोकणासह मध्य महाराष्ट्रातील पुणे, मराठवाड्यातील औरंगाबादमध्ये तापमानात मोठी घट झाली आहे. विदर्भ वगळता सर्वत्र कमाल तापमान ३० अंशांखाली आले आहे. महाबळेश्वरमधील कमाल तापमानात सर्वाधिक घट असून, शनिवारी ते १९.४ अंशांपर्यंत खाली आले होते.