लोकसभा निवडणूक खासदार निवडण्याची पंतप्रधान निवडण्याची नाही – डॉ. अमोल कोल्हे

यावेळी बोलताना कोल्हे म्हणाले, समोरून वैयक्तिक टीका होत असेल तर मी कोणावर टीका करणार नाही कारण ती माझी संस्कृती नाही. या टीकांना मी भीत नाही, कारण मी छत्रपती शिवाजी महाराजांचा सच्चा मावळा आहे. पण, हे लक्षात घ्या माझ्यावर वैयक्तिक टीका करून मतदार संघातील प्रश्न सुटणार आहेत का? मला प्रश्न विचारण्याचा काय अधिकार अस हे कस म्हणू शकतात. कारण देशात लोकशाही आहे. इथे जनता जनार्दन ही राजा आहे.

अढळराव पाटलांवर टीका करताना कोल्हे म्हणाले, परवा शिवनेरी त्यांनी वढू अशी रॅली काढली, तेव्हा मला वढू येथून फोन आला. या खासदारांनी पंधरा वर्षात एकही रुपयांचा विकासनिधी दिला नाही आणि आता यांना या ऐतिहासिक स्थळांची आठवण झाली आहे.

तसेच स्थानिकांची जोरदार मागणी असलेल्या बैलगाडा शर्यतीवर बोलताना कोल्हे म्हणाले, ज्या दिवशी बैलगाडा शर्यत सुरू होईल, त्या पहिल्या दिवशी बैलगाड्यापुढे मी स्वतः घोडा हाकणार आहे.