चिंचवड विधानसभा मतदारसंघातून शंकर जगतापांनी भरला उमेदवारी अर्ज; राहुल कलाटेंवर केली टीका..

हेही वाचा >>> भोसरी विधानसभेतून महाविकास आघाडीकडून अजित गव्हाणे यांचा अर्ज दाखल; लांडगे विरुद्ध गव्हाणे असा सामना होणार

माझ्यासमोर तुल्यबळ असा उमेदवार नाही. शरद पवार यांच्या पक्षातील कार्यकर्ता किंवा पदाधिकारी असता तर ही लढत नक्कीच तुल्यबळ झाली असती. अशा शेलक्या शब्दात शंकर जगताप यांनी महाविकास आघाडीचे उमेदवार राहुल कलाटे यांच्यावर टीका केली होती. महायुती मधून अजित पवार गटाचे नाना काटे यांनी बंडखोरी करत अपक्ष उमेदवारी अर्ज भरला आहे. यावर देखील शंकर जगताप यांनी प्रतिक्रिया दिली आहे. नाना काटे यांच्यासोबत आम्ही उमेदवारी मागे घेण्यावरून बोलत आहोत. पक्षश्रेष्ठी देखील याबाबत तोडगा काढेल असा विश्वास जगताप यांनी व्यक्त केला आहे. नेहमी आम्ही दिवंगत लक्ष्मण जगताप यांच्यासाठी काम करतो. परंतु, वहिनी अश्विनी लक्ष्मण जगताप यांच्यानंतर माझ्यावर पक्षाने जबाबदारी दिली. ती मी योग्य रीतीने पार पाडेल असा विश्वास देखील शंकर जगताप यांनी व्यक्त केला.