‘पर्वती’वरून महाविकास आघाडीत तिढा

महाविकास आघाडीमध्ये राष्ट्रवादी (शरद पवार) पक्षाने वडगाव शेरी, खडकवासला, हडपसर आणि पर्वती मतदारसंघावर आग्रही दावा केला आहे. पर्वती येथून स्थायी समितीच्या माजी अध्यक्ष अश्विनी कदम आणि त्यांचे पती नितीन कदम इच्छुक आहेत. मात्र, हा मतदारसंघ काँग्रेसने घ्यावा, यासाठी काँग्रेसचे माजी उपमहापौर आबा बागुल यांनी आग्रही भूमिका घेतली आहे. त्याबाबतचे निवेदनही त्यांनी पक्षाच्या वरिष्ठ नेत्यांना दिले होते. या मतदारसंघातून निवडणूक लढविण्यासाठी बागुल इच्छुक असून, त्यांनी त्या दृष्टीने मोर्चेबांधणीही केली आहे. त्यामुळे महाविकास आघाडीतच पर्वती मतदारसंघावरून जोरदार रस्सीखेच सुरू झाल्याचे चित्र आहे. त्यातच काँग्रेसने या मतदारसंघातील इच्छुकांच्या मुलाखती घेऊन पर्वतीवरील दावाही कायम ठेवला आहे. या मतदारसंघातून निवडणूक लढविण्यास शिवसेना (ठाकरे) इच्छुक नाही. शिवसेनेच्या (ठाकरे) स्थानिक पदाधिकाऱ्यांनी कोथरूड, हडपसर आणि वडगाव शेरीसह खडकवासाला मतदारसंघाची मागणी केली आहे. तसा प्रस्तावही पक्षाच्या वरिष्ठ नेत्यांना देण्यात आला आहे. यापैकी कोथरूड आणि हडपसर या दोन मतदारसंघांत शिवसेनेची (ठाकरे) ताकद असून, तेथे पक्षाचे माजी आमदार आहेत. महाविकास आघाडीच्या जागा वाटपात कोथरूडची जागा शिवसेनेकडेच (ठाकरे) राहील, अशी चर्चा आहे. मात्र, हडपसर मतदारसंघही शिवसेनेला (ठाकरे) हवा असल्याने राष्ट्रवादी (शरद पवार) पक्षाची अडचण झाली आहे. त्यामुळे त्यांनी हडपसर मतदारसंघावरील दावा सोडण्यासाठी वेळ पडल्यास तडजोड म्हणून पर्वती मतदारसंघ देण्याची तयारी सुरू केली आहे. शिवसेनेकडे (ठाकरे) या मतदारसंघात माजी नगरसेवक बाळा ओसवाल प्रबळ दावेदार आहेत. मात्र, पर्वती शिवसेनेला (ठाकरे) सोडण्यास काँग्रेसकडून विरोध होण्याची शक्यता आहे. त्यामुळे पर्वती मतदारसंघावरून महाविकास आघाडीमध्येच गोंधळाची परिस्थिती निर्माण झाल्याचे चित्र आहे.

आणखी वाचा

अन्वयार्थ : हजार कोटी सापडले, त्याचे पुढे काय झाले?

Devendra Fadnavis Income : उपमुख्यमंत्र्यांची एकूण संपत्ती किती?…

‘चिखलदरा स्‍कायवॉकचे काम महाविकास आघाडीने थांबविले’, उपमुख्‍यमंत्री देवेंद्र फडणीसांचा आरोप

खरगेंच्या मुखी समर्थ रामदासांचा श्लोक, पण संजय राऊत निरुत्तर; जाहीरनामा प्रसिद्ध करताना नेमकं काय घडलं?

गरिबांचे पैसे गरिबांना ही काँग्रेसची हमी; तेलंगणा, हिमाचलचे मुख्यमंत्री तर कर्नाटकच्या उपमुख्यमंत्र्यांचे भाजपला प्रत्युत्तर

“हमीभावापेक्षा कमी दर मिळाल्यास फरकाची रक्कम सरकार देणार,” उपमुख्यमंत्री देवेंद्र फडणवीस यांचे आश्‍वासन

भाजपच्या ‘बटेंगे’ला काँग्रेसचे ‘जुडेंगे’

अमरावती जिल्ह्यात महाविकास आघाडी, महायुतीसमोर अस्तित्व राखण्‍याचे आव्‍हान