महावितरणकडे ग्राहक क्रमांक एकदाच नोंदवायची सुविधा

वीज सेवेबाबतच्या तक्रारी दाखल करण्यासाठी महावितरणच्या कॉल सेंटरमध्ये ग्राहकांना एकदाच ग्राहक क्रमांक सांगावा लागणार आहे. ग्राहक क्रमांक सांगून स्वत:चे कोणतेही तीन संपर्क क्रमांक ग्राहकांनी महावितरणकडे नोंदवायचे आहेत. त्यानंतर या तीन क्रमांकांपैकी कोणत्याही क्रमांकावरून ग्राहकाने दूरध्वनी केल्यास त्यांना आपले नाव पुन्हा सांगावे न लागता केवळ तक्रारीचा तपशील सांगावा लागेल.
वीजपुरवठा खंडित होण्याबरोबरच वीज सेवेबाबतच्या इतरही तक्रारी करण्यासाठी किंवा वीज सेवेबाबत माहिती मिळवण्यासाठी महावितरणने १८००२००३४३५ आणि १८००२३३३४३५ हे दोन टोल फ्री क्रमांक उपलब्ध करून दिले आहेत. राज्यातील ग्राहकांसाठी हे दूरध्वनी क्रमांक चोवीस तास सुरू राहणार असून इतर स्थानिक तक्रार निवारण केंद्रे फेब्रुवारीपासून बंद करण्यात आली आहेत.
तक्रार नोंदवताना ग्राहकाने आपला ग्राहक क्रमांक सांगणे आवश्यक असते. मात्र आता ग्राहकांना तक्रारीच्या प्रत्येक वेळी हा ग्राहक क्रमांक सांगावा लागणार नाही. नवीन सुविधेनुसार ग्राहकाला महावितरणकडे आपले कोणतेही तीन दूरध्वनी क्रमांक नोंदवण्याची मुभा आहे. तसेच आपला ग्राहक क्रमांकही ग्राहकाने एकदाच नोंदवायचा आहे. त्यानंतर नोंदवलेल्या तीन दूरध्वनी क्रमांकांपैकी कोणत्याही क्रमांकावरून दूरध्वनी केल्यास ग्राहकाला आपले नाव, पत्ता, ग्राहक क्रमांक ही माहिती सांगावी न लागता केवळ तक्रारीचा तपशील विचारला जाईल.

आणखी वाचा

जात पडताळणीची ४० हजार प्रकरणे प्रलंबित, केवळ चारच जणांकडे ३६ जिल्ह्यांचा कार्यभार

…तर औषधाची गरजच नाही! वाचा निरोगी आयुष्य जगण्यासाठी…

कायदा व सुव्यवस्था राखण्याचे सोडून नागपुरातील ठाणेदार विकतायेत तिकीट…. प्रत्येकाला तीनशे…

पिंपरी : उद्योजकांमागे ‘एलबीटी’चे शुक्लकाष्ट, महापालिकेकडून ७२ हजार व्यापाऱ्यांना नोटिसा

शहापुरात बारदानाचा तब्बल २५ लाखांचा अपहार, प्रतवारीकार विरुद्ध किन्हवली आणि शहापुर पोलीस ठाण्यात गुन्हे दाखल

दुसऱ्या अ‍ॅपची मदत न घेता तुमच्या फोनमधील क्यूआर कोड करा स्कॅन; कसे ते जाणून घ्या…

नागरी समस्या, तक्रारी ऐकून घेण्यासाठी नागरिकांना वेळ द्या, आयुक्त डाॅ. इंदुराणी जाखड यांच्या वरिष्ठ अधिकाऱ्यांना सूचना

आता WhatsApp Pay द्वारे थेट करा UPI पेमेंट; पैशांची देवाण-घेवाण होईल सोपी; कसे ते घ्या जाणून…