पुण्यात भीषण अपघात, भरधाव ट्रकची सात ते आठ वाहनांना धडक

ट्रक साताऱ्याकडून पुण्याच्या दिशेने येत असताना चालकाचं नियंत्रण सुटलं. यावेळी समोर असणाऱ्या तसंच तिथे रस्त्याशेजारी उभ्या असणाऱ्या वाहनांना ट्रकने धडक दिली. अपघातामुळे काही गाड्यांचा अक्षरश: चुराडा झाला आहे. अपघाताची माहिती मिळताच पोलीस घटनास्थळी दाखल झाले. काही वेळासाठी तिथे वाहतुकीचा खोळंबाही झाला होता. दरम्यान अपघातात सहा ते सात जण जखमी झाले असून त्यांच्यावर उपचार सुरु आहेत.