ज्येष्ठ रंगभूषाकार प्रभाकर भावे यांचे निधन

मूळचे साताऱ्याचे असलेले भावे यांना लहानपणापासून नाटक, संगीत, साहित्याची आवड होती. मात्र साताऱ्यात त्यांच्या कलेला पुरेसा वाव नसल्याने ते पुण्यात आले. सुरुवातीच्या काळात नोकरी करत त्यांनी एकांकिका, नाटकांच्या रंगभूषेचे काम सुरू केले. गेल्या पन्नास वर्षांहून अधिक काळ त्यांनी मराठी नाट्यसृष्टीत रंगभुषाकार म्हणून महत्त्वपूर्ण योगदान दिले. महाराष्ट्रातील जवळपास सर्व नावाजलेल्या नाट्य स्पर्धांशी ते रंगभूषाकार म्हणून संबंधित होते. मुखवटे तयार करण्यात त्यांचा हातखंडा होता. रंगभूषा नावाचे पुस्तक त्यांनी लिहिले.  पु. ल. देशपांडे यांच्या हस्ते त्या पुस्तकाचे प्रकाशन करण्यात आले होते. या पुस्तकाला राज्य सरकारचा त्या वर्षीचा पुरस्कार मिळाला होता.  

आणखी वाचा

सीएसएमटी अपघात : सीसीटीव्हीच्या तपासणीनंतर अखेर अपघातातील आरोपी सापडला

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

काहीही करा पण मंत्रीपदी सत्तार नको, भाजप कार्यकर्त्यांचे साकडे

‘पुष्पा २’ चित्रपट पाहताना ३५ वर्षीय व्यक्तीचा मृत्यू; सफाई कर्मचाऱ्याला आढळला मृतदेह

“मर्द को भी दर्द होता है!” आत्महत्येआधीचा अतुलचा तासभराचा ‘तो’ व्हिडिओ व्हायरल; पत्नी आणि सासरच्यांवर गंभीर आरोप

अजित पवारांसोबत गेलेल्या नाईक घराण्याला मंत्रिपदाची भेट ?

महाराष्ट्राचे माजी राज्यपाल एस. एम. कृष्णा यांचे निधन, वयाच्या ९२ व्या वर्षी घेतला अखेरचा श्वास!

मृत्यूनंतरही परवड थांबली नाही, पार्थिव रुग्णालयात नेताना महिलेच्या गळ्यातील गंठण चोरीला

हेही वाचा – निगडीतील महिलेच्या हत्ये प्रकरणी ११ वर्षांनी आरोपीला जन्मठेपेची शिक्षा

चेहऱ्याला केवळ रंग लावणे म्हणजे रंगभूषा नाही. भूमिकेनुसार रंगांचा वापर करणे आणि त्यासाठी कमीत कमी रंग वापरणे महत्त्वाचे असते. रंगांचा अतिरेक झाला तर नाटक फसते, अशी भावे यांची धारणा होती. रंगांच्या माध्यमातून व्यक्तिरेखा उभी करता येत नाही, पण व्यक्तिरेखेनुसार योग्य रंगभूषा करता आली तर कलाकार खुलतो. त्याचा परिणाम अभिनयावर होतो. म्हणून रंगभूषा हा नटाला खुलवणारा मानसोपचारच वाटतो, अशी त्यांची भूमिका होती.

तरुण कलावंतांमध्ये रंगभूमीवरील ‘भावेकाका’ अशी ओळख असलेले प्रभाकर भावे अनेक वर्षे पुरुषोत्तम स्पर्धेत सहभागी होणाऱ्या स्पर्धकांची रंगभूषा करत  होते.