पुणे : कोंढवा परिसरात अमली पदार्थविरोधी पथकाने सोलापूरहून गांजा विक्रीस घेऊन आलेल्या एकाला पकडले. त्याच्याकडून १२ किलो गांजा जप्त करण्यात आला. मोबीन अब्दुल रशीद शेख (वय ४२, रा. सोलापूर) असे अटक करण्यात आलेल्याचे नाव आहे. मोबीन हा कोंढवा परिसरात गांजा विक्रीसाठी आला असल्याची माहिती अमली पदार्थविरोधी पथकातील पोलीस कर्मचारी अजीम शेख यांना मिळाली. पोलिसांच्या पथकाने सापळा लावून मोबीनला ताब्यात घेतले. त्याची झडती घेण्यात आले. त्याच्याकडून अडीच लाख रुपये किमतीचा १२ किलो गांजा जप्त करण्यात आला. शेखने गांजा कोठून आणला, तसेच कोणाला विक्री करणार होता, या दृष्टीने तपास करण्यात येत आहे. हेही वाचा.जंगली महाराज रस्त्यावर फांदी पडून तरुण गंभीर जखमी पोलीस निरीक्षक सुदर्शन गायकवाड, सहायक निरीक्षक नितीनकुमार नाईक, उपनिरीक्षक रामकृष्ण दळवी, साहील शेख, अजीम शेख, योगेश मांढरे, चेतन गायकवाड, संदीप शेळके, संदीप जाधव, नितीन जगदाळे, नीलम पाटील यांनी ही कारवाई केली.
