पिंपरी- चिंचवड : कोयत्याने वार करत दगड, सिमेंटच्या गट्टूने ठेचून एकाची हत्या; मेहुण्यासमोर घडला थरार

पिंपरी- चिंचवड : शहरात अज्ञात पाच ते सहा जणांच्या टोळक्याने निलेश अशोक भंडारी नावाच्या व्यक्तीची चाकू, कोयत्याने वार करून दगडाने ठेचून हत्या केली आहे. निलेश याचे अधिकृत ताडी विक्री करण्याचे दुकान आहे. मेहुना आणि निलेश दोघे दुचाकीवरून घरी जात असताना त्यांना अडवून हत्या केली आहे. ही हत्या पूर्ववैमनस्यातून घडल्याचा प्राथमिक अंदाज पोलिसांनी वर्तविला आहे. देहूरोड पोलीस आरोपींचा शोध घेत आहेत.