पुणे: शंभर रुपयांसाठी खून करणाऱ्याला सात वर्ष सक्तमजुरी

भीमराव यशवंत खांडे (वय ५५, रा. वडकी, खोकेनगर, मूळ रा. गिरवी, ता. फलटण, जि. सातारा) असे शिक्षा सुनावण्यात आलेल्याचे नाव आहे. खांडे याने  चंद्रकांत शंकर चव्हाण (वय ६८, रा. पांडवनगर, वडकी, हवेली) यांच्या डोक्यात दगड घालून खून केला होता. खांडे याने चव्हाण यांच्याकडून शंभर रुपये उसने घेतले होते. चव्हाण यांनी पैसे परत मागितले होते. पैसे परत न केल्याने त्यांच्यात १७ एप्रिल २०१५ रोजी वाद झाला. खांडे याने चव्हाण यांच्या डोक्यात दगड घालून खून केला होता. सासवड रस्त्यावर असलेल्या वडकी गावातील एका गोदामाजवळ ही घटना घडली होती. याबाबत रमेश चंद्रकांत चव्हाण (वय ४०, रा. पांडवनगर, वडकी) यांनी लोणी काळभोर पोलिस ठाण्यात फिर्याद दिली होती.

हेही वाचा >>>Pune Crime Files : जेव्हा पुण्यात एक माणूस पत्नीचं धडावेगळं केलेलं शीर हातात घेऊन फिरला होता, त्या प्रकरणाचं नेमकं काय झालं?

या खटल्यात सरकार पक्षाकडून सरकारी वकील नामदेव तरळगट्टी यांनी बाजू मांडली. लोणी काळभोर पोलीस ठाण्यातील तत्कालिन सहायक पोलीस निरीक्षक दिलीप पवार यांनी या गुन्ह्याचा तपास केला. कोर्ट पैरवी अधिकारी म्हणून पोलीस हवालदार ललिता कानवडे यांनी काम पाहिले. न्यायालयीन कामकाजात हवालदार वैजनाथ शेलार आणि प्रशांत कळसकर यांनी सहाय केले. साक्ष, तसेच पुरावे ग्राह्य धरुन खांडे याला न्यायालयाने सात वर्ष सक्तमजुरी आणि दहा हजार रुपये दंडाची शिक्षा सुनावली.