संतोष देशमुख हत्या प्रकरणी पुण्यातील मराठा क्रांती मोर्चाचे कार्यकर्ते गृहमंत्री अमित शाह च्या भेटीला

बीड येथील सरपंच संतोष देशमुख यांची हत्ये प्रकरणातील आरोपींना कारागृहात व्हीआयपी ट्रीटमेंट दिली जात आहे.या आरोपींना व्हीआयपी ट्रीटमेंट देता कामा नये आणि फरार आरोपींना अटक करून फाशीची शिक्षा झाली पाहिजे,या मागणीसाठी मराठा क्रांती मोर्चाचे समन्वयक सचिन आडेकर आणि रेखा कोंडे यांनी केंद्रीय राज्यमंत्री मुरलीधर मोहोळ आणि पुणे पोलिसांकडे मागणी केली होती.

त्या पार्श्वभूमीवर सचिन आडेकर आणि रेखा कोंडे हे कोरेगाव पार्क येथील वेस्टिन हॉटेलमध्ये आले होते. मात्र पोलिसांनी मराठा क्रांती मोर्चाच्या समन्वयकाना आतमध्ये जाऊ दिले नाही.त्यामुळे सचिन आडेकर आणि रेखा कोंडे हे आक्रमक झाले.त्यामुळे पुणे पोलिसांनी दोघांना ताब्यात घेतले.

बीड येथील सरपंच संतोष देशमुख यांच्या हत्या प्रकरणात अटक करण्यात आलेले आरोपी वाल्मिक कराड यांच्यासह अन्य आरोपींना कारागृहात व्हीआयपी ट्रीटमेंट दिली जात आहे.तसेच पोलिसांकडून योग्य प्रकारे तपास केला जात नाही.तसेच यातील मुख्य आरोपींना पोलिसांनी अटक करावी आणि संतोष देशमुख यांच्या कुटुंबियांना न्याय द्यावा,या मागणीसाठी आम्ही गृहमंत्री अमित शाह यांची भेट घेणार होतो.

मात्र आम्हाला भेटू दिले नाही आणि आज आम्ही प्रसार माध्यमांच्या प्रतिनिधी सोबत संवाद साधताना पोलिसांनी आम्हाला बोलू दिले नाही.आमचा आवाज दाबण्याच काम करण्यात आल आहे.त्यामुळे आम्ही याचा निषेध व्यक्त करीत असून येत्या काळात तीव्र लढा उभारणार असल्याचा इशारा सचिन आडेकर आणि रेखा कोंडे यांनी यावेळी दिला.