महात्मा गांधी रस्ता परिसरातून १५ लाखांचे मेफेड्रोन जप्त, दोघांना अटक

पुणे : लष्कर भागातील महात्मा गांधी रस्ता परिसरात मेफेड्रोन बाळगणाऱ्या दोघांना गुन्हे शाखेच्या अमली पदार्थ विरोधी पथकाने अटक केली. कोळसे गल्लीतील एका दुकानात कारवाई करुन त्यांच्याकडून १५ लाख ७० हजार रुपयांचे ७७ ग्रॅम मेफेड्रोन जप्त करण्यात आले.

आणखी वाचा

सैफवरील हल्ला राज्यातील कायदा सुव्यवस्थेची लक्तरे वेशीवर टांगणारा; नाना पटोले यांची टीका

…तर औषधाची गरजच नाही! वाचा निरोगी आयुष्य जगण्यासाठी…

अहमदाबादमधून फरारी सराईत पाच गुंडांना कराडजवळ अटक, तळबीड पोलिसांची कारवाई

पिंपरी: वाहन चोरी करणारे दोघे अटकेत; आठ दुचाकी जप्त

पिंपरी : बावधनमध्ये तीन पिस्तूल, पाच काडतुसे, सहा कोयते जप्त

‘डिलिव्हरी बॉय’च्या वेशात घरफोडी, करणाऱ्या चोरट्यासह साथीदार गजाआड, ८० लाखांच्या ऐवजासह पिस्तूल, काडतुसे जप्त

पुणे : अपहरण करणारे गजाआड, गुन्हे शाखेची कारवाई, आर्थिक व्यवहारातून अपहरण

कात्रज भागात ४४ लाखांचे अमली पदार्थ जप्त, अमली पदार्थ विरोधी पथकाकडून एकाला अटक

हुसेन नुर खान (वय २१) , फैजान अयाज शेख (वय २२, दोघे रा. कोंढवा) अशी अटक करण्यात आलेल्यांची नावे आहेत. फैजान याचे महात्मा गांधी रस्त्यावरील कोळसे गल्लीत कुलूप विक्रीचे दुकान आहे. शहरात छुप्या पद्धतीने मेफेड्रोनची तस्करी आणि विक्री होत असल्याची माहिती अमली पदार्थ विरोधी पथकाला मिळाली होती. दोन दिवसांपूर्वी येरवडा भागातून पोलिसांनी २३ लाखांचे मेफेड्रोन जप्त केले होते.

आणखी वाचा-सैफ अली खान हल्ला प्रकरणात गुन्हेगारी टोळीचा हात नाही – गृहराज्यमंत्री योगेश कदम यांची माहिती

कोळसे गल्लीतील एका दुकानात मोठ्या प्रमाणावर मेफेड्रोनचा साठा करुन ठेवल्याची माहिती अमली पदार्थ विरोधी पथकातील पोलीस कर्मचारी विशाल दळवी यांना मिळाली. त्यानंतर पोलिसांच्या पथकाने सापळा लावून फैजान आणि हुसेन यांना पकडले. त्यांच्याकडून १५ लाख ७० हजार रुपयांचे मेफेड्रोन जप्त करण्यात आले.

अतिरिक्त आयुक्त शैलेश बलकवडे, उपायुक्त निखील पिंगळे यांच्या मार्गदर्शनाखाली वरिष्ठ पोलीस निरीक्षक उल्हास कदम, सहायक निरीक्षक अनिकेत पोटे, पोलीस कर्मचारी संदेश काकडे, विशाल दळवी, विनायक साळवे, प्रवीण उत्तेकर, दत्ताराम जाधव, विपुल गायकवाड, रेहाना शेख, योगेश मोहीते यांनी ही कामगिरी केली.