मोसमी पाऊस दोन दिवसांत राज्यभर, पुढील दोन आठवडे पावसाचा जोर

राज्यात मागील आठवडाभर मोसमी पावसाचा जोर कमी झाला होता. आता पुन्हा मोसमी पावसाने जोर धरला आहे. पुढील चार दिवस किनारपट्टी, पश्चिम घाटाचा परिसर आणि विदर्भात मोसमी पावसाचा जोर राहणार आहे. गुरुवारी (२० जून) मोसमी पावसाने नंदुरबार, अमरावती आणि गोंदियापर्यंत आगेकूच केली आहे.

आणखी वाचा

आज दूपारनंतर पावसाला सुरुवात, विदर्भ आणि मराठवाड्याला ‘येलो अलर्ट’

अपात्र ‘लाडक्या बहिणी’ची रक्कम पुन्हा सरकारजमा

बोरिवली, मालाडची हवा धोकादायक, महिन्यातील जवळपास वीस दिवस बहुतेक भागांत वाईट हवेची नोंद

अमरावती : थंडीची लाट…! विभागीय आयुक्तांनी काय दिला इशारा?

राज्यात ऐन हिवाळ्यात पाऊस, गारपीट होणार? जाणून घ्या, उत्तर महाराष्ट्र, मराठवाडा, विदर्भामध्ये काय होणार

मुंबईच्या कमाल तापमानात घट

प्रदुषित हवेमुळे मुंबईकर सर्दी, खोकल्याने त्रस्त

मुंबईत महिनाअखेरीपर्यंत गारठा कायम राहणार

हेही वाचा…राज्यात गुजरातमधून बनावट बियाणांचा पुरवठा, अंबादास दानवे यांचा आरोप

हवामान विभागाने दिलेल्या माहितीनुसार, मोसमी पावसाची अरबी समुद्रावरील शाखा दहा दिवसांच्या खंडानंतर आणि बंगालच्या उपसागरावरील शाखा वीस दिवसांच्या खंडानंतर सक्रिय झाली आहे. अरबी समुद्रातील शाखाने गुरुवारी नंदुरबार, अमरावती आणि गोंदियापर्यंत आगेकूच केली. मोसमी पावसाच्या वाटचालीसाठी पोषक हवामान असून, पुढील दोन दिवसांत महाराष्ट्र व्यापून मोसमी पाऊस पुढे वाटचाल करेल.

बंगालच्या उपसागरातील शाखा रेमल चक्रीवादळानंतर कमजोर पडली होती. गुरुवारी ती सक्रिय होऊन तिने पश्चिम बंगाल, बिहारच्या काही भागांत आगेकूच केली आहे. पुढील दोन दिवसांत ओडिसा, बंगाल आणि बिहारमध्ये मोसमी पाऊस वेगाने आगेकूच करण्याचा अंदाज आहे.

हेही वाचा…पुणे: मावळच्या तळेगावात चार ठिकाणी हवेत गोळीबार; अज्ञात दुचाकीवरून फरार

राज्याच्या किनारपट्टीवर मोसमी पावसाचा जोर राहणार आहे. पश्चिम घाटाच्या परिसरात सातारा आणि पुणे जिल्ह्यात चांगला पाऊस होण्याचा अंदाज आहे. मोसमी पावसाच्या दोन्ही शाखा सक्रिय झाल्यामुळे विदर्भात पावसाचा जोर वाढणार आहे. हवामान विभागाने शुक्रवारसाठी किनारपट्टी, पश्चिम घाट परिसराला पिवळा अलर्ट आणि विदर्भातील गडचिरोली, यवतमाळ आणि अमरावती जिल्ह्याला नारंगी इशारा आणि विदर्भातील अन्य जिल्ह्यांना पिवळा इशारा दिला आहे.

शुक्रवारसाठी इशारा

पिवळा इशारा – सिंधुदुर्ग, रत्नागिरी, रायगड, मुंबई शहर, मुंबई उपनगरे, ठाणे, पुणे, सातारा, संपूर्ण विदर्भ.

नारंगी इशारा – गडचिरोली, यवतमाळ, अमरावती

हेही वाचा…पिंपरीतील खासगी रुग्णालये, शाळांमधील अग्निप्रतिबंधक उपाययोजनांची तपासणी; महापालिकेकडून रुग्णालये, शाळांना नोटीस

मोसमी पावसाने जोर धरला आहे. सोमवारपर्यंत (२४ जून) पावसाचे प्रमाण हळूहळू वाढत जाईल. जून महिन्याच्या शेवटच्या आठवड्यात आणि जुलै महिन्याच्या पहिल्या आठवड्यात राज्यात पावसाचा जोर राहील. राज्यात सर्वदूर चांगल्या पावसाचा अंदाज आहे. – डॉ. एस. डी. सानप, शास्त्रज्ञ, हवामान विभाग