MHT-CET 2022 आता ५ ते १८ ऑगस्ट दरम्यान होणार

जेईई आणि एनईईटी या दोन परीक्षा एकाच वेळी आल्याने महाराष्ट्राकडून घेण्यात येणारी एमएचटी- सीईटी परीक्षा लांबवणीवर पडली आहे. याबाबतचं ट्विट उच्च आणि तंत्रशिक्षण मंत्री उदय सामंत यांनी केलं आहे. संबंधित परीक्षा ऑगस्ट महिन्याच्या पहिल्या आठवड्यात घेण्यात येईल, याबाबतचे संकेत देखील मंत्र्यांनी आपल्या ट्विटमधून दिले होते. तसेच, परीक्षाबाबतच्या तारखा लवकरच जाहीर करू, असंही त्यांनी सांगितलं होतं.

खरंतर, एमएचटी सीईटी २०२२ ही परीक्षा ११ जून ते १६ जून दरम्यान होणार होती. पण जेईई मेन २०२२ ही परीक्षा देखील जूनमध्येच सुरू होणार आहे. त्याचबरोबर १७ जुलैपासून एनईईटी ही परीक्षा होणार आहे. या दोन परीक्षामुळे एमएचटी सीईटी परीक्षा लांबणीवर पडली आहे. एनईईटी परीक्षा पार पडल्यानंतर एमएचटी सीईटी परीक्षा घेण्यात येणार आहे.