मागील मुख्यमंत्री अडीच वर्षात मंत्रालयात आले नाही, मुख्यमंत्री शिंदे हे कुठे मौजमजा करण्यास फिरत नाहीत – शंभूराज देसाई

तसेच ते पुढे म्हणाले की, मागील मुख्यमंत्री अडीच वर्षात मंत्रालयात आले नाहीत. त्यावेळी पवार साहेबांनी, मुख्यमंत्र्यांना सांगायला पाहिजे होते. तुम्ही मंत्रालयात जावा,तुम्ही लोकांना भेटा, तुम्ही लोकांचे प्रश्न समजून घ्या. त्यावेळी शरद पवार यांनी हाच सल्ला किंवा आदेश दिला असता.तर ते अधिक बर झालं असत, अशा शब्दात शंभूराजे देसाई यांनी शरद पवार यांना टोला लगावला.

हेही वाचा : निर्मला सीतारामन यांची राष्ट्रीय स्वयंसेवक संघाच्या पदाधिकाऱ्यांसह बैठक; भाजपाच्या पदाधिकाऱ्यांना प्रवेश नाकारला

मुख्यमंत्री एकनाथ शिंदे यांच्या नेतृत्वाखाली ताकदीने दसरा मेळावा होणार

दसरा मेळाव्या वरून वाद सुरू आहे. त्या प्रश्नावर शंभूराज देसाई म्हणाले की,शिवसेनेचे मुख्य नेते मुख्यमंत्री एकनाथ शिंदे यांच्या नेतृत्वाखाली हिंदू गर्जना यात्रा राज्यभरात सुरू आहे. सातारा,सोलापूर, अहमदनगर आणि पुणे या चार जिल्ह्यांची माझ्यावर जबाबदारी होती. त्या यात्रेला उत्स्फूर्त प्रतिसाद मिळाला आहे. या यात्रेतून मागील अडीच महिन्यामध्ये जनतेसाठी केलेल काम सांगितले. या यात्रेतून जनतेच्या भावना लक्षात घेता. शिवसेना आणि भाजपची नैसर्गिक युती राहिली पाहिजे होती. मात्र लोकांना अडीच वर्षात बोलण्याची संधी मिळत नव्हती.आमच्या भूमिकेमुळे लोकांना बोलण्याची संधी मिळाली आहे. हे लवकर होण्याची गरज होती. अशा तरुण वर्गाकडून प्रतिक्रिया आल्या असल्याच त्यांनी सांगितले.

हेही वाचा : निर्मला सीतारामन यांनी पुणेकरांना दिला आश्चर्याचा धक्का; मराठीत भाषणाला सुरुवात करत म्हणाल्या, “सगळ्या पुणेकर…”

तसेच ते पुढे म्हणाले की,मुंबईत पाच तारखेला मुख्यमंत्री एकनाथ शिंदे यांच्या नेतृत्वाखाली दसरा मेळावा होणार आहे.न्यायालयामध्ये शिवसेना ठाकरे गट गेलेला आहे. त्यामुळे दसरा मेळावा ही बाब न्यायप्रविष्ट झालेली आहे.आम्ही कायद्याच, नियमांच पालन करणारे कार्यकर्ते आहोत.आम्ही दोन्ही जागेवर परवानगी मागितलेली आहे. प्रशासन आणि न्यायालय जिथे परवानगी देईल.त्या ठिकाणी मुख्यमंत्री एकनाथ शिंदे यांच्या नेतृत्वाखाली ताकदीने मेळावा होणार असल्याच त्यांनी सांगितले.