धक्कादायक! चेष्टा मस्करी जीवावर बेतली; काॅम्प्रेसर पाइपमधील हवा पोटात सोडल्याने १६ वर्षांच्या मुलाचा मृत्यू

मोतीलाल साहू (वय १६, मूळ रा. मध्य प्रदेश) असे मृत्युमुखी पडलेल्या मुलाचे नाव आहे. त्याच्या मृत्यूस कारणीभूत ठरल्याप्रकरणी कारखान्यातील कामगार धीरजसिंग गोपालसिंग गौड (वय २१) याला अटक करण्यात आली आहे. याबाबत मोतीलालचा मामा शंकरदिन रामदिन साहू (वय ३४, रा. बडागाव, जि. कटनी, मध्य प्रदेश ) यांनी हडपसर पोलीस ठाण्यात फिर्याद दिली आहे. हडपसर येथील ओैद्योगिक वसाहतीत पूना फ्लोअर अँड फूडस कारखाना आहे. या कारखान्यात मोतीलालचा मामा शंकरदिन आणि आरोपी धीरजसिंग कामाला आहे. कारखान्यातील आवारात ते राहायला आहेत, अशी माहिती पोलीस उपनिरीक्षक महेश कवळे यांनी दिली.

आणखी वाचा

अन्वयार्थ : ‘उत्तम प्रदेशा’तल्या बाळांची होरपळ

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

पाळीव प्राण्यांच्या विरहाच्या भीतीने नैराश्य, तरुणाची गळफास घेऊन आत्महत्या

ठाणे : अपघातात एकाचा मृत्यू, ओवळा नाका येथील घटना

डंपरच्या धडकेत दुचाकीवरील सहप्रवासी तरुणाचा मृत्यू, मुंबई-पुणे रस्त्यावरील बोपोडीत अपघात

गॅस सिलिंडरच्या भीषण स्फोटामध्ये मुलगा ठार; उंडाळेतील भीषण दुर्घटना

भाईंदर: महापालिकेच्या सेल्फी पॉईंटमधील विजेचा धक्का, जखमी मुलीचा उपचारादरम्यान मृत्यू

जेसीबी यंत्राखाली सापडून बांधकाम मजुराचा मृत्यू

हेही वाचा… सावित्रीबाई पुणे विद्यापीठात बसने फिरा मोफत!

दोन महिन्यांपूर्वी मोतीलाल मामा शंकरदिनकडे आला होता. सध्या तो काही काम करत नव्हता. मामाबरोबर कारखान्याच्या आवारात तो राहायला होता. मोतीलाल आणि आरोपी धीरजसिंग यांची मैत्री झाली. दोन दिवसांपूर्वी कारखान्यात तिसऱ्या मजल्यावर धीरजसिंग काम करत होता. मैदा तयार करण्यासाठी वापरण्यात येणाऱ्या यंत्राची सफाई काॅम्प्रेसरमधील हवेचा वापर करुन केली जाते. धीरजसिंग काम करत होता. मोतीलाल तेथे थांबला होता. चेष्टा मस्करीतून धीरजसिंगने काॅम्प्रेसर सुरू केला. हवेचा पाइप मोतीलालच्या गुदद्वाराजवळ लावला. पाइपमधील हवा पोटात शिरल्याने मोतीलाल जागीच कोसळला. त्याला तातडीने खासगी रुग्णालयात दाखल करण्यात आले. उपचारांदरम्यान त्याचा मृत्यू झाला. या घटनेची माहिती मिळाल्यानंतर पोलिसांनी घटनास्थळी भेट दिली. चौकशीत चेष्टा मस्करीतून हवेचा पाइप धीरजसिंगने मोतीलालच्या गुदद्वाराजवळ लावल्याने हवा पोटात शिरल्याने त्याचा मृत्यू झाल्याची माहिती मिळाली. चौकशीनंतर याप्रकरणी धीरजसिंगविरुद्ध गुन्हा दाखल करण्यात आला असून, पोलीस उपनिरीक्षक महेश कवळे तपास करत आहेत.