पिंपरी : चिंचवडमध्ये आमदारांच्या नातेवाइकांचा कंत्राटदार ‘पॅटर्न’; कोणी केला हा आरोप

पिंपरी : चिंचवड विधानसभा मतदारसंघात आमदारांनी केवळ नातेवाईक आणि भाच्यांना मोठे करण्याचे काम केले. महापालिकेतील कंत्राटे नातेवाइकांनाच दिल्याचा आरोप राष्ट्रवादी (शरद पवार) पक्षाचे आमदार रोहित पवार यांनी केला.

आणखी वाचा

“…तेव्हा माझा एन्काऊंटर करण्याचा डाव होता”, सदाभाऊ खोत यांचा खळबळजनक आरोप!

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Ashok Pawar: आमदार अशोक पवार यांच्या मुलाचे अपहरण करून दहा कोटींची खंडणी, अश्लील चित्रफीत प्रसारित करण्याची धमकी

खळबळजनक! खासदार बाळू धानोरकरांचा घातपात, आईच्या दाव्याने शंका कुशंका

मुख्यमंत्र्यांच्या आदेशाला महत्व नाही का? उच्च न्यायालयाची महापालिका प्रशासानाला विचारणा

अजितदादांच्या राष्ट्रवादीचे मावळचे उमेदवार आमदार सुनील शेळके यांच्यावर गुन्हा; ‘हे’ आहे कारण

प्रकरण मिटवण्यासाठी मागितली साडेचार लाखांची लाच, नया नगरच्या लाचखोर पोलिसाला अटक

संविधानामुळेच अदानींना रोखण्यात यश; ‘इंडिया’ आघाडीच्या संयुक्त सभेत काँग्रेस नेते राहुल गांधी यांचा आरोप

महाविकास आघाडीचे चिंचवडचे उमेदवार राहुल कलाटे यांच्या प्रचारार्थ वाल्हेकरवाडी येथील युवक मेळाव्यात ते बोलत होते. शिवसेना (ठाकरे) पक्षाचे मावळ लोकसभा संघटक संजोग वाघेरे, राष्ट्रवादीचे (शरद पवार) शहराध्यक्ष तुषार कामठे, विशाल वाकडकर, इम्रान शेख या वेळी उपस्थित होते.

आणखी वाचा-धंगेकर-रासने लढतीच्या दुसऱ्या फेरीत कोणाची बाजी?

चिंचवड मतदारसंघात काहींनी फक्त नातेवाईक आणि भाच्यांना मोठे केले. निवडणुकीच्या पार्श्वभूमीवर निळ्या पूररेषेचे घाणेरडे राजकारण केले. मतदारांना वेठीस धरण्याचा प्रयत्न केला. चिंचवडची निवडणूक आता सर्वसामान्य नागरिकांनी हातात घेतली आहे. चिंचवडकर यंदा कंत्राटदार पॅटर्न हद्दपार करतील, असा विश्वास पवार यांनी व्यक्त केला. २० वर्षं सत्ता असताना कोणतेही आश्वासन पूर्ण केले नाही. प्रत्येक निवडणुकीला पुन्हा तीच आश्वासने दिली जातात. मूलभूत समस्यांमुळे येथील नागरिक वैतागले आहेत. मुबलक पाणी या भागातील नागरिकांना मिळत नाही. गृहनिर्माण सोसायट्यांना टँकरद्वारे पाणी घ्यावे लागते. भाजप मतदारांची दिशाभूल करत असल्याचा आरोप आमदार पवार यांनी केला.

आणखी वाचा-पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

स्थायी समितीचे माजी अध्यक्ष नवनाथ जगताप यांचा राष्ट्रवादीत प्रवेश

नवी सांगवी येथील भाजपशी संलग्न राहिलेले अपक्ष माजी नगरसेवक आणि महापालिकेच्या स्थायी समितीचे माजी अध्यक्ष नवनाथ जगताप यांनी आपल्या कार्यकर्त्यांसह आमदार रोहित पवार यांच्या उपस्थितीत राष्ट्रवादी (शरद पवार) पक्षात प्रवेश केला. हा भाजपला धक्का मानला जात आहे. त्याचबरोबर मराठवाडा विकास संघाचे अध्यक्ष अरुण पवार, माजी स्वीकृत सदस्य शिवाजी पाडुळे, निखिल चव्हाण, पंकज कांबळे यांनीही या वेळी प्रवेश केला.