पिंपरी चिंचवड महापालिकेत पाणी कपातविरोधात मनसेचे आंदोलन आणि घोषणाबाजी

आजच्या घडीला पवना धरणात २३ टक्के साठा आहे, जो दोन महिने पुरेल अशी स्थिती आहे. अशात पाणी कपात पिंपरीकरांवर लादली जाते आहे असा आरोप मनसेने केला आहे. तसेच पाणी कपात लवकारत लवकर मागे न घेतल्यास मनसे तीव्र आंदोलन करणार आहे असाही इशारा देण्यात आला आहे. मनसे शहराध्यक्ष सचिन चिखले यांच्या नेतृत्त्वाखाली हे आंदोलन करण्यात आले. आयुक्तांनी मनसेच्या आंदोलनानंतर पाणी कपात मागे घेऊ असे आश्वासन दिले आहे. मात्र एवढे दिवस पाणी कपात सुरू असताना मनसेने आज आंदोलनाचे ढोंग का केले? असा प्रश्न पिंपरीकर विचारत आहेत. तसेच या आंदोलनादरम्यान पाऊस पडल्याने मनसेचे आंदोलन फसल्याचीही चर्चा रंगली आहे.