पुणे : नऱ्हे परिसरात सीएनजी पंपावर टोळक्याची दहशत, पंपावरील कामगाराला बेदम मारहाण, सहा जण अटकेत

संदीप आनंदा हांडे (वय ३०, रा. सिद्धी टेरेस, रायकरनगर, धायरी) यांनी या संदर्भात सिंहगड पोलीस ठाण्यात फिर्याद दिली आहे. हांडे यांचा नऱ्हे परिसरातील पारी कंपनी चौकात सीएनजी पंप आहे. सीएनजी पंपावर आरोपी पासलकर, चव्हाण, खोपडे मोटारीतून आले.

पंपावरील कामगार सतीश जाधव यांनी त्यांना मोटार रांगेत लावण्यास सांगितले. या कारणावरुन आरोपी चिडले आणि त्यांनी कामगार जाधव यांना शिवीगाळ करण्यास सुरुवात केली. जाधव यांना बेदम मारहाणही करण्यात आली.

हेही वाचा : पुणे : जोगत्याचे अपहरण; ताम्हिणी घाटात गोळ्या झाडून खून, संशयावरुन दोघे ताब्यात

या मारहाणीत सीएनजी पंपावरील कर्मचारी सतीश जाधव जखमी झाले. मारहाणीनंतर आरोपी पसार झाले, मात्र पोलिसांनी आरोपींच्या मुसक्या आवळल्या. सहायक पोलीस निरीक्षक तांदळे या प्रकरणाचा तपास करत आहेत.