पुणे: तीन दिवसांत मोसमी पाऊस गतिमान,वाटचालीसाठी पोषक स्थिती

विदर्भात उष्णतेच्या लाटेचा इशारा

पुढील पाच दिवसांत राज्याच्या अनेक भागांत मेघगर्जनेसह हलक्या ते मध्यम पावसाची शक्यता आहे. विदर्भात तुरळक ठिकाणी पुढील दोन दिवस उष्णतेची लाट येण्याची शक्यता आहे. कोकण आणि गोव्यात बहुतेक ठिकाणी पाऊस पडण्याचा अंदाज आहे.सोमवारी राज्यात सर्वाधिक ४२.४, अंश सेल्सिअस तापमानाची नोंद चंद्रपुरात झाली आहे. महाबळेश्वरमध्ये सर्वात कमी १८.१ अंश सेल्सिअस तापमान नोंदविले गेले.

मोसमी वाऱ्यांच्या पुढील वाटचालीसाठी पोषक स्थिती आहे. त्यामुळे ते लवकरच पुढे वाटचाल करतील. पुढील तीन दिवसांत मोसमी वारे पुणे आणि मुंबईत दाखल होतील. विदर्भ आणि मराठवाडय़ात मोसमी वारे दाखल होण्यास आणखी काही काळ प्रतीक्षा करावी लागेल.- डॉ. अनुपम कश्यपी, शास्त्रज्ञ, हवामान विभाग