पिंपरी : शहरातील अनधिकृत बांधकामांवरील कारवाई विरोधातील आंदोलनाच्या गुन्ह्यातून मावळचे शिवसेना खासदार श्रीरंग बारणे यांच्यासह भगवान वाल्हेकर, भाजपाचे एकनाथ पवार, नामदेव ढाके यांची निर्दोष मुक्तता करण्यात आली आहे.
पिंपरी-चिंचवड शहरातील अनधिकृत बांधकामांचा मुद्दा १२ वर्षांपूर्वी ऐरणीवर आला होता. महापालिका प्रशासनाने बांधकामांवर हातोडा घालण्यास सुरुवात केली होती. शहरातील नागरिक, कष्टकऱ्यांवर बेघर होण्याची वेळ आली होती. या कारवाईविरोधात मुंबई, नागपूर विधानभवनावर भव्य मोर्चा काढला होता. महापालिका, तसेच तत्कालीन प्राधिकरण कार्यालयावरही मोर्चे काढले होते. महामार्ग रोखणे, गर्दी जमवणे, गर्दीचे नेतृत्व करणे, जमावबंदी आदेशाचे उल्लंघन करणे याप्रकरणी खासदार श्रीरंग बारणे यांच्यासह शिवसेनेचे तत्कालीन शहरप्रमुख भगवान वाल्हेकर, भाजपाचे एकनाथ पवार, नामदेव ढाके यांच्यावर मावळ, पिंपरी पोलीस ठाण्यात गुन्हे दाखल झाले होते.
हेही वाचा – पुणे: अमली पदार्थ तस्कर ललित पाटील ससून रूग्णालयातून पसार
याबाबतचा खटला वडगाव आणि पिंपरी न्यायालयात सुरू होता. १० वर्षांपासून त्यावर सुनावणी सुरू होती. पोलिसांच्या तपासातील त्रुटी, प्रतिबंधक आदेशाची अंमलबजावणी व्यवस्थित झाली नाही. तपास व्यवस्थित झाला नसल्याचा युक्तिवाद ॲड. सुशील मंचरकर यांनी केला. हा युक्तिवाद मान्य करत न्यायालयाने खासदार बारणे यांच्यासह चौघांची निर्दोष मुक्तता केली.
अनधिकृत बांधकामधारकाला न्याय मिळावा, शास्तीकर सरसकट माफ व्हावा यासाठी आंदोलन पुकारले होते. न्यायालयाच्या पायऱ्या चढाव्या लागल्या असल्या, तरी शहरातील अनधिकृत बांधकामधारकांना न्याय देऊ शकलो. सरसकट शास्तीकर माफ करण्यात यश मिळाले. – श्रीरंग बारणे, खासदार
पिंपरी-चिंचवड शहरातील अनधिकृत बांधकामांचा मुद्दा १२ वर्षांपूर्वी ऐरणीवर आला होता. महापालिका प्रशासनाने बांधकामांवर हातोडा घालण्यास सुरुवात केली होती. शहरातील नागरिक, कष्टकऱ्यांवर बेघर होण्याची वेळ आली होती. या कारवाईविरोधात मुंबई, नागपूर विधानभवनावर भव्य मोर्चा काढला होता. महापालिका, तसेच तत्कालीन प्राधिकरण कार्यालयावरही मोर्चे काढले होते. महामार्ग रोखणे, गर्दी जमवणे, गर्दीचे नेतृत्व करणे, जमावबंदी आदेशाचे उल्लंघन करणे याप्रकरणी खासदार श्रीरंग बारणे यांच्यासह शिवसेनेचे तत्कालीन शहरप्रमुख भगवान वाल्हेकर, भाजपाचे एकनाथ पवार, नामदेव ढाके यांच्यावर मावळ, पिंपरी पोलीस ठाण्यात गुन्हे दाखल झाले होते.
हेही वाचा – पुणे: अमली पदार्थ तस्कर ललित पाटील ससून रूग्णालयातून पसार
याबाबतचा खटला वडगाव आणि पिंपरी न्यायालयात सुरू होता. १० वर्षांपासून त्यावर सुनावणी सुरू होती. पोलिसांच्या तपासातील त्रुटी, प्रतिबंधक आदेशाची अंमलबजावणी व्यवस्थित झाली नाही. तपास व्यवस्थित झाला नसल्याचा युक्तिवाद ॲड. सुशील मंचरकर यांनी केला. हा युक्तिवाद मान्य करत न्यायालयाने खासदार बारणे यांच्यासह चौघांची निर्दोष मुक्तता केली.
अनधिकृत बांधकामधारकाला न्याय मिळावा, शास्तीकर सरसकट माफ व्हावा यासाठी आंदोलन पुकारले होते. न्यायालयाच्या पायऱ्या चढाव्या लागल्या असल्या, तरी शहरातील अनधिकृत बांधकामधारकांना न्याय देऊ शकलो. सरसकट शास्तीकर माफ करण्यात यश मिळाले. – श्रीरंग बारणे, खासदार
