‘एमपीएससी’कडून ७८ पदांसाठीच्या परीक्षेचा निकाल जाहीर

एमपीएससीने प्रसिद्धीपत्रकाद्वारे ही माहिती दिली. जाहीर करण्यात आलेली निवडयादी तात्पुरत्या स्वरुपाची असल्याने उमेदवारांच्या अर्जांतील विविध दाव्यांच्या अनुषंगाने अंतिम निकालापूर्वी काही उमेदवारांच्या शिफारसीमध्ये बदल होऊ शकतो. ही निवडयादी न्यायालयाच्या, न्यायाधिकरणात दाखल विविध न्यायिक प्रकरणांतील न्यायनिर्णयाच्या अधीन राहून जाहीर करण्यात आली आहे.

हेही वाचा – उत्तर महाराष्ट्र, विदर्भात गारठा कायम; मध्य महाराष्ट्र, मराठवाड्यात तापमानात वाढीचा अंदाज

हेही वाचा – पाच रुपयांचे दूध अनुदान अडकणार नियमांच्या चौकटीत; ई-केवायसी बंधनकारक, खासगी संघांना दूध घालणाऱ्या शेतकऱ्यांना अनुदान नाही

खेळाडू प्रवर्गातून अर्ज केलेल्या उमेदवारांची क्रीडाविषयक प्रमाणपत्रे प्राधिकृत क्रीडा अधिकारी यांनी तपासण्याच्या अटीच्या अधीन राहून त्यांचा खेळाडू प्रवर्गाचा दावा तात्पुरता ग्राह्य धरण्यात आला आहे. भरती प्रक्रियेतून बाहेर पडण्याचा (ऑप्टिंग आऊट) पर्याय सादर करण्यासाठी उमेदवारांना २२ ते २८ डिसेंबरची मुदत देण्यात आली आहे. भरती प्रक्रियेतून बाहेर पडण्याचा पर्याय केवळ ऑनलाइन पद्धतीनेच सादर करता येईल. या पर्यायाच्या आधारेच अंतिम शिफारशीसंदर्भात कार्यवाही करण्यात येईल, असे स्पष्ट करण्यात आले आहे.