MPSC Prelims Exam 2024 : संयुक्त पूर्व परीक्षा २०२४ ची नवी तारीख जाहीर… कृषी सेवेच्या पदांचाही समावेश?  

एमपीएससीने प्रसिद्धिपत्रकाद्वारे या बाबतची माहिती दिली. एमपीएससीतर्फे महाराष्ट्र नागरी सेवा राजपत्रित संयुक्त पूर्व परीक्षा २०२४ या परीक्षेचे आयोजन २५ ऑगस्टला करण्यात आले होते. मात्र, त्याच दिवशी आयबीपीएसचीही परीक्षा होती. त्यामुळे दोन स्पर्धा परीक्षा एकाच दिवशी नको, याच परीक्षेत कृषी सेवेच्या २५८ पदांचा समावेश करण्यासाठी स्पर्धा परीक्षार्थ्यांनी पुण्यात आंदोलन केले होते. या आंदोलनाला राजकीय वळण लागले होते. त्यामुळे राज्य शासनाने ही परीक्षा पुढे ढकलण्याची विनंती एमपीएससीला केली होती. त्यानंतर एमपीएससीकडून संयुक्त पूर्व परीक्षा २०२४ कधी आयोजित केली जाणार या कडे उमेदवारांचे लक्ष लागले होते.

नक्की वाचा

सरकारी नोकरीची सुवर्णसंधी! तब्बल दोन हजार पदांसाठी अर्ज करण्यास काहीच दिवस शिल्लक

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

नोकरीची संधी: लोकसेवा आयोगामार्फत परीक्षेद्वारे भरती

EPFO Recruitment 2024: लेखी परीक्षेची न देता मिळवा EPFOमध्ये नोकरीची संधी! महिना ६५,००० रुपये मिळेल पगार

बाजारातील तयार चकल्या कशा बनवतात माहीत आहे का? पाहा VIRAL VIDEO तून ‘हा’ जुगाड

‘फँड्री’तील शालू-जब्या गुपचूप लग्नबंधनात? राजेश्वरी खरातच्या ‘त्या’ फोटोवर कमेंट्सचा पाऊस; नेटकरी म्हणाले, “हे कधी झालं…”

Diwali Wishes 2024 : प्रियजनांना द्या दिवाळीच्या हार्दिक शुभेच्छा, पाहा एकापेक्षा एक हटके मराठी मेसेज

Majhi Ladki Bahin Yojana : मोठी बातमी! ‘लाडक्या बहिणीं’च्या खात्यात ‘या’ दिवशी जमा होणार तिसरा हप्ता

हेही वाचा >>> केंद्र सरकारवर दहा वर्षांत भ्रष्टाचाराचा एकही डाग नाही… केंद्रीय मंत्री किरेन रिजिजू यांचे पुण्यात विधान

एमपीएससीने दिलेल्या माहितीनुसार २९ डिसेंबर, २०२३ रोजी विविध संवर्गाच्या एकूण २७४ रिक्त पदांकरीता जाहिरात प्रसिद्ध करण्यात आली. राज्यातील सामाजिक व शैक्षणिकदृष्ट्या मागासवर्गाकरीता आरक्षित पदसंख्या नमूद करून एकूण ५२४ पदांचे शुद्धिपत्रक ८ मे २०२४ रोजी प्रसिद्ध करण्यात आले. ही जाहिरात प्रसिद्ध केल्यानंतर कृषि विभागाने १६ ऑगस्ट रोजी महाराष्ट्र कृषी सेवा २०२४साठीच्या २५८ पदांचे मागणीपत्र आयोगाला दिले. या पदांचा समावेश महाराष्ट्र नागरी सेवा राजपत्रित संयुक्त पूर्व परीक्षा २०२४मध्ये करण्याबाबत शासनाकडून विनंती करण्यात आली होती. या अनुषंगाने आयोगाची २३ सप्टेंबर, २०२४ रोजी बैठक झाली. महाराष्ट्र कृषि सेवेतील पदांचा समावेश महाराष्ट्र नागरी सेवा राजपत्रित संयुक्त पूर्व परीक्षा २०२४ मध्ये करण्याचा निर्णय घेण्यात आला.

हेही वाचा >>> वक्फ सुधारणांबाबत केंद्रीय मंत्र्याचे भाष्य; म्हणाले, “अपप्रचार नको…”

कृषि सेवेतील पदांचा तपशील आणि शैक्षणिक पात्रतेनुसार अर्ज सादर करण्याबाबतचे शुद्धिपत्रक लवकरच आयोगाच्या संकेतस्थळावर प्रसिद्ध करण्यात येईल. त्यानंतर उमेदवारांना अर्ज सादर करण्यासाठी २१ दिवसांचा कालावधी देण्यात येईल. अर्ज कालावधी, नव्याने अर्ज करणाऱ्या उमेदवारांची संख्या विचारात घेऊन प्रश्नपत्रिका व उत्तरपत्रिका छपाईचा कालावधी, ऑक्टोबरमध्येमध्ये आयोजित इतर संस्थेच्या भरतीप्रक्रिये संदर्भात विविध परीक्षांचे वेळापत्रक, आगामी विधानसभा निवडणुकीची आचार संहिता व निवडणुकीचा अंदाजित कार्यक्रम इत्यादी बाबी विचारात घेऊन महाराष्ट्र नागरी सेवा राजपत्रित संयुक्त पूर्व परीक्षा २०२४ ही परीक्षा १ डिसेंबर रोजी आयोजित करण्यात येणार आहे.