मुद्रांक अभय योजनेतून ३९३ कोटींचा महसूल, ५६ हजार प्रकरणे निकाली

मुद्रांक अभय योजनेला राज्यातील नागरिकांची उस्फूर्त प्रतिसाद मिळाला आहे. परिणामी या योजनेला ऑगस्ट अखेरपर्यंत मुदतवाढ देण्यात आली आहे.

Mudrank Abhay Yojana, stamp duty, registration fee, penalty, state government, flat owners, extended deadline, recovery, second phase, concession, house owners

मुद्रांक अभय योजनेतून ३९३ कोटींचा महसूल, ५६ हजार प्रकरणे निकाली (प्रातिनिधिक छायाचित्र)

पुणे : मुद्रांक अभय योजनेला राज्यातील नागरिकांची उस्फूर्त प्रतिसाद मिळाला आहे. परिणामी या योजनेला ऑगस्ट अखेरपर्यंत मुदतवाढ देण्यात आली आहे. या योजनेंतर्गत आतापर्यंत ७२ हजार ९५५ अर्ज प्राप्त झाले आहेत. त्यापैकी ५६ हजार ३२ अर्ज निकाली काढण्यात आले आहेत. त्यानुसार ३९३.०४ कोटी रुपयांचे मुद्रांक शुल्क, नोंदणी शुल्क आणि दंड वसूल करण्यात आला आहे. त्यामुळे कमी मुद्रांक शुल्क किंवा मुद्रांक शुल्क चुकविलेल्या नागरिकांना दिलासा मिळाला आहे.

सन १९८० ते २०२० या कालावधीत सदनिका घेतली असेल, मात्र मुद्रांक शुल्क कमी भरले असेल किंवा दहा रुपयांच्या मुद्रांकावर विक्री करारनामा केल्यानंतर नोंदणीसाठी दाखल केले नाही, बाजारभाव विचारात न घेता दस्तामध्ये दाखविलेल्या रकमेवरच मुद्रांक शुल्क भरले, अशा सदनिकाधारकांसाठी राज्य सरकारने ही योजना जाहीर केली आहे. त्यामध्ये १ जानेवारी १९८० ते ३१ डिसेंबर २००० या कालावधीसाठी पहिला, तर १ जानेवारी २००१ ते २०२० या कालावधीतील दस्तांसाठी दुसरा असे दोन टप्पे करण्यात आले आहेत. १ डिसेंबर २०२३ ते ३१ जानेवारी २०२४ या कालावधीत पहिला टप्पा राबविण्यात येणार होता; मात्र पहिल्या टप्प्याला २९ फेब्रुवारीपर्यंत मुदतवाढ देण्यात आली होती. आता दुसऱ्या टप्प्यातील योजना सुरू आहे. या योजनेत अर्ज करण्यासाठी ३१ मार्चपर्यंत मुदत होती. मात्र, त्यामध्ये वाढ करीत राज्य सरकारने ३० जूनपर्यंत, तर पुन्हा मुदतवाढ देत आता ३१ ऑगस्टपर्यंत अर्ज करता येणार आहेत.

आणखी वाचा

बिहारमध्ये ११४ वर्षांनंतर भूमी सर्वेक्षण; नितीश कुमार सरकारच्या निर्णयावर विरोधकांची टीका कशासाठी?

Sharad Pawar : मविआचं सरकार आल्यास मंत्रिमंडळात कोण…

The state government plans to start work on ambitious projects in the state before the implementation of the code of conduct for assembly elections

४५ हजार कोटींच्या प्रकल्पांना गती; आचारसंहितेपूर्वी पंतप्रधानांच्या हस्ते भूमिपूजन करण्याच्या हालचाली

विश्लेषण: कांदा निर्यातीवरील शुल्क कमी होऊनही उत्पादक नाराज का?

Prime Minister Narendra Modi will lay the foundation of the PM Mega Textile Park project in state

पंतप्रधान मोदी करणार राज्यातील ‘या’ एकमेव प्रकल्पाची पायाभरणी

भारतात ‘एआय’ धोरण राबवण्यात कोणत्या राज्यांची आघाडी? कोणती राज्ये पिछाडीवर? महाराष्ट्र कुठे?

gst council decides to form new gom for health insurance premium

विमा हप्त्यांवरील जीएसटी कपात लांबणीवर; बैठकीत व्यापक सहमती, नोव्हेंबरमध्ये निर्णय अपेक्षित अर्थमंत्री

Petition in court against Nitin Gadkaris ministry about loss of one lakh crores to the country

नितीन गडकरींच्या मंत्रालयामुळे देशाला एक लाख कोटींचा तोटा? न्यायालयात याचिका… काय आहे कारण?

हेही वाचा…पुणे: अल्पवयीन मुलींची मद्य पार्टी; नशेत १६ वर्षीय मुलीची आत्महत्या

दरम्यान, सन १९८० ते २००० आणि सन २००१ ते २०२० या कालावधीतील दस्तांसाठी दुसऱ्या टप्प्यात मुद्रांक शुल्कावर ५० टक्के सवलत आहे, तर दस्तांवर असलेल्या दंडात २० टक्के सवलत आहे. त्याकरिता नोंदणी व मुद्रांक शुल्क विभागाच्या संकेतस्थळावर अर्ज उपलब्ध करून देण्यात आला आहे. कोणत्याही प्रकारच्या दस्तासाठी मुद्रांक जिल्हाधिकारी (सहजिल्हा निबंधक) कार्यालयात अर्ज करता येतील. शिवाय नोंदणीसाठी सादर केलेल्या दस्तांबाबत संबंधित दुय्यम निबंधक कार्यालयात अर्ज करता येतो.

हेही वाचा…IAS पूजा खेडकर प्रकरण: पिंपरीच्या वायसीएममधील डॉक्टरांची चौकशी करावी- आरटीआय कार्यकर्ते विजय कुंभार यांची मागणी

मुद्रांक अभय योजनेचा आढावा

प्राप्त प्रकरणे – ७२,९५५
निकाली काढलेली प्रकरणे – ५६,०३२

वसूल झालेली प्रकरणे – २८,६४७
वसूल मुद्रांक शुल्क – २९९,८१,४१,७००

वसूल दंड – ९१,३७,२६,३०५
वसूल नोंदणी शुल्क – १,८६,१६,२९१

एकूण वसूल रक्कम – ३९३,०४,८४,२९६

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mudrank abhay yojana extended till august end recovers rs 393 crore in stamp duty and penalties pune print news psg 17 psg