दारू पिताना झालेल्या वादातून मित्राचा खून; हडपसर भागातील घटना; एकास अटक

पुणे : दारू पिताना झालेल्या किरकोळ भांडणावरून एकाने मित्राचा डोक्यात दगड घालून खून केल्याची घटना हडपसर भागात घडली. गंभीर जखमी झालेल्या तरुणाचा उपचारादरम्यान त्याचा मृत्यू झाला. अनिल राजू सासी (वय ३३, रा. इंदिरानगर वसाहत) असे खून झालेल्या तरुणाचे नाव आहे. याप्रकरणी प्रवीण नामदेव नाईक (वय ४१, केशवनगर, मुंढवा) याला अटक करण्यात आला आहे. याबाबत अनिलचा भाऊ अक्षय राजू सासी (वय २५) याने हडपसर पोलीस ठाण्यात फिर्याद दिली आहे. अनिल चर्मकार आहे. आरोपी प्रवीण मजुरी करतो. दोघे चांगले मित्र असून दोघांना दारु पिण्याचे व्यसन आहे.