पुणे : ज्येष्ठ नागरिकाच्या डोक्यात फरशी घालून खून करण्यात आल्याची घटना कोंढव्यातील पिसोळी परिसरात घडली. खुनामागचे कारण समजू शकले नाही. हाजीमुद्दीन बोराटे (वय ६२, रा. पिसोळी) असे खून झालेल्या ज्येष्ठ नागरिकाचे नाव आहे. या प्रकरणी कोंढवा पोलीस ठाण्यात खुनाचा गुन्हा दाखल करण्यात आला आहे. कात्रज-कोंढवा रस्त्यावर आंबेकर हाॅटेलजवळ एका ज्येष्ठ नागरिकाच्या डोक्यात फरशी घालून खून करण्यात आल्याची माहिती कोंढवा पोलिसांना सोमवारी सकाळी मिळाली. त्यानंतर पोलिसांचे पथक घटनास्थळी पोहोचले. बोराटे यांच्या खुनामागचे कारण समजू शकले नाही. पोलिसांनी परिसरातील रहिवाशांकडे चौकशी केली. मात्र, रहिवाशांकडून ठोस माहिती मिळाली नाही. पसार झालेल्या आरोपीचा शोध घेण्यासाठी पोलिसांनी पथके तयार केली आहेत.
या बातमीसह सर्व प्रीमियम कंटेंट वाचण्यासाठी साइन-इन करा
Already have a account? Sign in
First published on: 24-04-2023 at 15:55 IST
Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Murder of a senior citizen in kondhwa pune print news rbk 25 ysh
Show comments