“मुलांना नीट जेवण देत नाही, सांभाळत नाही”, पुण्यात पतीच्या बेदम मारहाणीत पत्नीचा मृत्यू

पोलिसांनी दिलेल्या माहितीनुसार, आरोपी पती तौसिफ आणि त्याची पत्नी आसमा हे कशेवाडीत राहत होते. त्यांना तीन मुलं होती. त्या दोघांमध्ये सतत वाद होत होते. सोमवारी (६ डिसेंबर) रात्री साडेअकरा वाजता पती तौसिफ याने पत्नी आसमावर तू मुलांना नीट सांभाळत नाही. त्यांना जेवण नीट देत नाहीस, असे आरोप केले. तसेच त्यांच्याकडे लक्ष दे सांगत बेदम मारहाण केली.

हेही वाचा : कल्याण : अनेकदा समज देऊनही शेजारी राहणारा रिक्षावाला वहिनीच्या बेडरुममध्ये डोकवायचा; दिराने केला खून

यानंतर घरात सर्वजण झोपी गेले. सकाळी सर्वजण उठले, पण पत्नी आसमा उठत नव्हती. त्यानंतर तिला डॉक्टरांकडे नेण्यात आले. तिची तपासणी केली असता डॉक्टरांनी तिला मृत घोषित केले. त्यानंतर आरोपी पतीला ताब्यात घेण्यात आले. या प्रकरणी गुन्हा दाखल करण्याचे काम सुरू असल्याची माहिती खडक पोलिसांनी दिली.