‘खान’ असल्यानेच आमिर आणि नसीर टार्गेट, अमोल पालेकरांचा आरोप

टी. एम. कृष्णा यांचा कार्यक्रम रद्द केला जातो? हा काय प्रकार आहे मला समजलेले नाही. तसेच अर्बन नक्सल म्हणजे काय? त्याची व्याख्या मी शोधतो आहे असेही अमोल पालेकर यांनी म्हटले आहे. झेनिथ एशिया सन्मान पुरस्काराचा कार्यक्रम पुण्यात आयोजित करण्यात आला होता. त्या कार्यक्रमात अमोल पालेकर यांनी आपली परखड मतं मांडली.

याच कार्यक्रमात अमोल पालेकर यांनी प्रादेशिक सिनेमांबद्दलही भाष्य केले. प्रादेशिक सिनेमांचा मी चाहता आहे. माझ्यासोबत काम करणाऱ्या अभिनेत्रीची भूमिका मूर्खपणाची असू नये हे मी पाहतो असेही पालेकरांनी म्हटले आहे.

काय म्हटले होते नसीर?

‘देशातील हे वातावरण पाहता मला माझ्या मुलाची चिंता वाटते. कारण त्यांचा कोणता धर्म नाहीये. आम्ही आमच्या मुलांना धर्माची शिकवण दिली नाही. कारण चांगलं किंवा वाईट याचं धर्माशी काही देणंघेणं नाही असं मला वाटतं. काय योग्य, काय अयोग्य हे माझ्या मुलांना मी शिकवलं आहे. उद्या माझ्या मुलांना एखाद्या जमावाने घेरलं आणि तुमचा धर्म कोणता असं विचारलं तर ते काय उत्तर देणार याची मला चिंता वाटते. कारण त्यांच्याकडे कोणतंच उत्तर नसेल.’

नसीरुद्दीन शाह यांच्या वक्तव्यानंतर वाद निर्माण झाला. त्यांना गद्दार असेही संबोधण्यात आले. मात्र मी जर माझ्या मनातल्या भावना बोलून दाखवल्या तर मी गद्दार कसा ठरतो? असाही प्रश्न नसीरुद्दीन शाह यांनी विचारला.