राष्ट्रवादीचे दत्तात्रय भरणे भर स्टेजवर म्हणाले मुख्यमंत्री फडणवीस; उपस्थितांनी ठाकरेंची आठवण करुन देताच म्हणाले…

झालं असं की, सोमवारी इंदापूर शहरात पीपल्स रिपब्लिकन पक्षाचे महाराष्ट्र राज्याचे युवक अध्यक्ष संजय सोनवणे यांचा वाढदिवस साजरा करण्यात आला. यावेळी राज्यमंत्री दत्तात्रय भरणे उपस्थित होते. दत्तात्रय भरणे यावेळी भाषण करत उपस्थितांना संबोधित केलं. मात्र भाषणादरम्यान त्यांनी मुख्यमंत्री देवेंद्र फडणवीस असा उल्लेख केला. यानंतर स्टेजवर उपस्थित इतर मान्यवरांनी त्यांना रोखलं आणि चूक लक्षात आणून दिली.

यावेळी उपस्थितांमध्ये काहींना आश्चर्य वाटलं तर काहीजण हसू लागले. यानंत दत्तात्रय भरणे यांनी तात्काळ आपली चूक सुधारली आणि सारवासारव करण्याचा प्रयत्न केला. सतत डोक्यात खूप विचार सुरु असल्याने होतं असं कधीकधी, असं म्हणत त्यांना आपण दिवसभर किती व्यस्त असतो, गाडीतच जेवावं लागतं, वाहतूक कोंडीत अडकलो असं सांगत सावरण्याचा प्रयत्न केला.