पुणे : राष्ट्रवादी काँग्रेस पक्षाचे ज्येष्ठ नेते तथा मंत्री छगन भुजबळ हे दोन दिवसांच्या पुणे दौर्‍यावर आहेत. त्याचदरम्यान छगन भुजबळ यांना जीवे ठार मारण्याची धमकी दिल्याची घटना घडली आहे. या प्रकरणी प्रशांत दशरथ पाटील या आरोपीला पुणे पोलिसांनी रायगड येथील महाडमधून अटक केली आहे. या घटनेमुळे राजकीय वर्तुळात खळबळ उडाली असून यावर छगन भुजबळ यांनी भाष्य केले.
या प्रकरणी छगन भुजबळ यांना विचारले असता ते म्हणाले की, माझ्या सहकाऱ्याने मला धमकी आल्याचे सांगितले. त्याबाबतची माहिती पोलिसांना दिल्यानंतर काही तासांत आरोपीला महाड येथून ताब्यात घेण्यात आले. आरोपीकडे चौकशी केल्यावर अधिक माहिती समोर येईल. पण मी कार्यकर्त्यांना एकच सांगतो की, शरद पवार किंवा त्यांचं कुटुंबीय अशी धमकी देण्याचं काम करीत नाही. वैचारिक लढाई सुरू असते. अशी कामे अतिउत्साही लोक करीत असतात.
