गेल्या पाच वर्षांत महापालिकेमध्ये एक रुपयाचाही भ्रष्टाचार नाही –

आगामी महापालिका निवडणुकीसाठी तयार करण्यात आलेल्या राष्ट्रवादी काँग्रेसच्या जाहीरनाम्याचे प्रकाशन पवार यांच्या हस्ते करण्यात आले. त्यानंतर आयोजित पत्रकार परिषदेत ते बोलत होते. महापौर प्रशांत जगताप, शहराध्यक्ष, खासदार अ‍ॅड. वंदना चव्हाण, स्थायी समितीचे अध्यक्ष बाळासाहेब बोडके, आमदार जयदेव गायकवाड, माजी महापौर दत्तात्रय धनकवडे, नगरसेवक शंकर केमसे, अ‍ॅड. म. वि. अकोलकर या वेळी उपस्थित होते.

पवार म्हणाले,की पक्षातर्फे महापालिकेचा कारभार करताना कोणत्याही प्रकारचा भ्रष्टाचार झालेला नाही. शिक्षण मंडळ हे काही महापालिकेचा भाग आहे, असे मी मानत नाही. शिक्षण मंडळात भ्रष्टाचार आणि अंमलबजावणीत कसूर होत असल्याने ते बरखास्त करण्यात यावे, अशी शिफारस राज्य शासनाकडे आम्ही केली होती.

मात्र, विनोद तावडे यांनी त्यावर स्थगिती आणली आहे.

सन २०१२ साली महापालिका निवडणुकीसाठी तयार करण्यात आलेल्या जाहीरनाम्यातील ८५ टक्के कामे पूर्ण करण्यात आलेली आहेत. दोनशे वीस किलोमीटर रस्त्याचे क्राँक्रीटीकरण करण्यात आले आहे. शहराच्या विकासासाठी स्वयंसेवी संस्था, उद्योजकांचे सहकार्य घेऊन विकास करण्यात आला आहे, असेही पवार यांनी सांगितले.

राष्ट्रवादीच्या जाहीरनाम्याचे घोषवाक्य -‘एक दशक प्रगतीचे पुढील दशक समृद्धीचे’

जाहीरनाम्यातील ठळक घोषणा

सन २०२० पर्यंत पुणे शहर डिजिटल साक्षर करणार

चोवीस तास पाणीपुरवठा करण्यासाठी स्टार्क ही नवी प्रणाली आणणार

* केरळ येथील यशस्वी छोटय़ा कचरा प्रकल्पांप्रमाणेच पुण्यात प्रकल्प राबवणार

* स्वतंत्र वैद्यकीय महाविद्यालय स्थापन करणार

* पु. ल. देशपांडे उद्यान ते फनटाईम चित्रपटगृह असा साडेसात किलोमीटर अंतराचा कॅनॉल रस्ता बांधणार

* र्सवकष संस्कृती जतन आराखडा आखून सर्व ऐतिहासिक वास्तूंचे जतन करणार

* पुनवडी ते ग्लोबल पुणे हा प्रवास सांगणारे थीम पार्क उभारणार

भाडेतत्त्वावर सायकल योजना सुरू करणार