उदयनराजेंच्या उमेदवारीला कोणाचाही विरोध नाही-शरद पवार

उदयराजे भोसले यांना उमेदवारी देऊ नये म्हणून राजेंच्या विरोधकांनी शरद पवारांकडे तशी मागणी केली होती. ज्यानंतर उदयनराजेंनी शरद पवारांकडे भेटीची वेळ मागितली होती. ही भेट पुण्यात झाली असेही समजते आहे. याचवेळी शरद पवार यांनी राफेल विमान कराराबाबतही आपली भूमिका मांडली. राफेल विमानं देशासाठी उपयोगी आहेत मात्र किंमतीबाबत मी भाष्य करू शकत नाही. त्या विमानांच्या किंमती जाहीर कराव्यात अशी मागणी काँग्रेसने केली आहे. या मागणीत काही गैर नाही. सरकारने हा करार गुप्त असल्याचं म्हटलं आहे. मी देखील संरक्षणमंत्री म्हणून काम पाहिले आहे. अशा करारांमध्ये तंत्रज्ञान आणि क्षमता याबाबत गुप्तता पाळली जाते पण किंमत उघड करण्यास काही हरकत नाही असंही त्यांनी म्हटलं आहे.