पुणे : यंदा वाङ्मय पुरस्कारांच्या पुस्तक निवड प्रक्रियेच्या छाननी समितीचे सदस्य प्रा. नरेंद्र पाठक, आर्या आपटे, अरविंद दौडे होते. या समितीने पुस्तकांची एकमताने शिफारस केली. पुरस्कार जाहीर झाल्यावर समिती सदस्य नरेंद्र पाठक यांनी कोबाड गांधी यांच्या पुस्तकावर आक्षेप घेऊन तक्रार केली. त्यानंतर सरकारने निर्णय घेतल्याचा खुलासा साहित्य संस्कृती मंडळाचे अध्यक्ष डॉ सदानंद मोरे यांनी केला. या प्रक्रियेत साहित्य संस्कृती मंडळाची काहीही चूक नाही. पुरस्कार रद्द शासनाने केला. मला राजीनामा देण्याची गरज नाही.
मी शासनाचाच जबाबदार घटक असल्याने शासनाच्या निर्णयावर भाष्य करणार नसल्याचेही त्यांनी स्पष्ट केले. छाननी समितीने शिफारस केल्यानंतर पुरस्कारासाठीची अनुवादासाठीच्या पुस्तकाची शिफारस गणेश विसपुते यांनी केली. त्यानुसार पुरस्कार जाहीर झाला होता, अशी माहिती डॉ मोरे यांनी दिली.